Lucas 16:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ 'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 16:19 Iomraidhean Croise

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Proverbios 31:22

Chaqaca nodajlec ỹo'ueete' naua le'laalqo, chaqai ỹantegueñi ná'maq no'uen nooỹac.

Ezequiel 16:13

Ca ná'ogue na no'ueetaxachi' nodaachiguiñi na 'oro chaqai na plata; chaqai na qatooỹaqui' nodaachiguiñi ná'maq no'uen lino chaqai lo'yaxanec naua lashiigo'. Chaqai 'qui'sac ná'maq no'uen pan chaqai rapic li'i chaqai na aceite chicqaugui ana oliva. Ca vichirau'a quiyim ỹaatqajam qami' lo'yaxana, chaqai vichirau'a quiyim qami' nashi na'gaxalate.

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Marcos 15:17

Ca' qoỹañiguilo' saua noho naue' letocqa', chaqai qoỹañigui na lqahic aso no'ueenata le qaipaxajta'.

Marcos 15:20

Ca co'na' ime da ne'naxac so'maxare, ca' qanaqate' saua noho ỹansañi naue' letocqa', ca' qoỹañiguilo sauá'maq chaqa loho. Ca na' ime, ca qaỹauegue'oga yi npatenqa'.

Lucas 15:13

Ca co'na' saqa' vite' saua na'xata', ca so ñaalec na'aasa imen sá'ogue só'maq chi louenec. Ca' aso laseuete i'xat, quepegue' so liỹa 'laua. Ca' quiyi, ca chi iualaxain aso lam, chaqai nalecqajantaugui na se no'uen da llicyaxac.

Lucas 16:1

So Jesús 'naapega qai'neeta so lapaxaguinatqaipi: —'Uo' so ỹale ỹaatqajam nesallaxanec. Ca' so'maxare 'uo' so roỹaxana reloxoỹa'a nqai'en so la'a'. Ca' qara'qaataxana'a so'maxare quesojo neloxoỹaq queso la'a', so'maxare chi iualaxaintac da lesallaxa so na'co'.

Lucas 16:18

Ca qom quiyim nalate'e' aca loua, ime, ca lotqai o'ñiguit aca liỹa 'aalo, ca' ca'maxare 'ue ca lasauaxaset. Chaqai cá'maq o'ñiguit aca 'aalo nalate'e' ca loua, qai'neeta 'ue ca lasauaxaset.

Lucas 16:20

Chaqai qai'neeta 'uo' so ỹale ỹaatqajam 'xoraic, leenaxat Lázaro. So'maxare ỹaatqajam no'qaata na loshicmaxa quena li'i na lquenaxa, ca' so'maxare nqa'xantañi quena 'laua, nqa'xantau'a na lahi ñi lauo' lasom so nesallaxanec.

Apocalipsis 17:4

Sojo 'aalo da lashicyaxague' naua loho ỹansañi tocalgoto, chaqai ná'maq ỹaatqajam toc. Nodaachiguiñi 'oro na no'ueetaxat, chaqai na qoỹoqota'a lo'yaxanec lashic qa', chaqai na qa' 'ec ỹaviquetaugui. Lo'qoota'a aso 'taxaqui 'oro no'qaachigui quená'maq qanaqaica'a chicqaugui da lapio'qotaxanaxac da nedequenaxac.

Apocalipsis 18:16

Ca' 'naaco' quen: —¡'Agai, chalego le'xoric yí'maq chalego lecaic na'a'! Ma' 'neetari' quen aca 'aalo ỹantañi acá'maq no'uen loxoqui lino, chaqai naua noho tocalgoto chaqai na ỹaatqajam toc, chaqai no'ueetaxat na 'oro, chaqai na qa' lo'yaxanec, chaqai na qa' 'ec ỹaviquetaugui.

Apocalipsis 18:7

'Viichii ca nqa'viic chaqai ca le'xoric, chaqai 'nejem dá'maq 'neeta añi'maxare na' nañaañiguit da maqajnaxac chaqai da lishoxo. Ma' añi'maxare 'naac añi le'taxanata: “Quena senta'ñi ñqa'xantañi, aỹim nashi. Sqaỹim pa'ỹe, chaqai qaica ca i'xoric ma'le.”