Lucas 16:1 - La'qaatqa ñi qota'olec Qota'olec & Qota'olec Novita Na Qomyipi

¹ So Jesús 'naapega qai'neeta so lapaxaguinatqaipi: —'Uo' so ỹale ỹaatqajam nesallaxanec. Ca' so'maxare 'uo' so roỹaxana reloxoỹa'a nqai'en so la'a'. Ca' qara'qaataxana'a so'maxare quesojo neloxoỹaq queso la'a', so'maxare chi iualaxaintac da lesallaxa so na'co'.

Lucas 16:1 Iomraidhean Croise

Génesis 15:2

Qam so Abram 'naaco': —Qami' ỹa'gaxala' qota'olec, ¿negue' quet cá'maq 'negue quiyim vite ca ñishiue'? Ma' qami' 'yiiñite' quiyim qaica ca ỹaalec. Ma' qaica ca nañaañi' ỹaalec, ca ñí'maq taalec ma'le cá'ogue ca isallaxa, ca' chaqaiñiita ñi Eliezer ñí'maq ỹaaqainatec Damasco le'ec.

Génesis 43:19

Ca na' ỹovirera'a ca lasom ca na'a', ca nqo'netot so neloxoỹaq quiyi na'a', ỹahosaque retaxaira'pegue' so'maxare.

Oseas 2:8

Qam añi'maxare qaica ma' ỹa'deena'a quet quiyim ỹim ná'maq saantapeguem na'le na trigo, na aceite, chaqai na lataxa; chaqai ỹim ná'maq ñqo'naxatetashiguim da lesallaxa quena plata chaqai na 'oro ná'maq ro'ueenataxana quena lashiilqaipi.

Mateo 20:8

Ca co'na' mashic pe, ca' so a'co' 'naapega só'maq reloqota'a dajo no'ueenataxanaxac, 'naaco': “Ỹaxañire'oga da no'ueenataxanaripi, ca' shivichiñi'. 'Auaxanchiriño' quiyim shivichiñi' dá'maq co'uaataxantam ro'ueenataxan, ca' ỹovireta'oga nqai'ñi' dá'maq 'avichiguiñi ro'ueenataxan.”

Lucas 12:42

Ca' so qara'gaxala' 'naaco': —¿Ca nega'ỹo' ca 'nejem ca nelaatec qamaxaraic chaqai 'deenaxanqachaqaic quecá'maq ca na'co' pataxalec cá'ogue ca louenec queca la'a' quiyim qui'ỹaxanataxan ma' ỹovirelec ca laloqo'?

Lucas 15:13

Ca co'na' saqa' vite' saua na'xata', ca so ñaalec na'aasa imen sá'ogue só'maq chi louenec. Ca' aso laseuete i'xat, quepegue' so liỹa 'laua. Ca' quiyi, ca chi iualaxain aso lam, chaqai nalecqajantaugui na se no'uen da llicyaxac.

Lucas 15:30

Qam nagui novi' ñi qachaalqui' ma' chi iualaxain aso qadami' cana nanatqa lo'o', ca' lauataxañirelec, lauachi' so huaqui llaalec 'uegaxasaq.”

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 16:2

Ca' so na'co' roỹaxane'oga so'maxare, ca 'naapega, 'naaco': “¿Negue' ca 'neeta dá'maq qaỹa'xatetac caqami'? Naloqojñi' ma'le ca ro'ueenataxanaxaqui'. Ime, ca' nodo'iro quenajo, ma' totqa qami' neloxoỹaq ma'le quiyi ỹa'a'.”

Lucas 19:20

Lotqai anaco' só'maq pa'aatec, ca 'naaco': “Qami' ỹa'gaxala', 'ana ana qadami'. Ana'maxare chi sa'maxat, sellaalec ca colligue',

Lucas 8:3

chaqai aso Juana, loua so ỹale leenaxat Chuza, so'maxare idaaneguelec yi la'a' so Herodes; chaqai aso Susana, chaqai 'xoic aso liỹa 'aallipi rotaanaxansa'pegue quená'maq 'ue quesaua'maxare.

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Santiago 4:3

Chaqai no'm shiilaxañiỹaque, sqai coñiguit, ma' se ỹa'maxañi da rashiilaxanaxaguii, ma' viitaque quiyim tau'a nqai'ñii dá'maq chi rqo'itaxanqachiguii.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.