Lucas 15:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' ỹim shinac chaqai 'nejem queda piguim ỹaatqajam 'xoic ca toonaxac quiyim 'ue ca qom sauaqhuaic netacocha queca noventa y nueve qomyipi 'maxaraic se ỹouen quiyim netacocha.

Lucas 15:7 Iomraidhean Croise

Mateo 18:13

Chaqai no'm ỹanata aca 'oono'lli', ca ca'maxare ỹaatqajam paguec 'xoic da netoonaxac quecauá'maq noventa y nueve qagreta se na'lerañi.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 15:29

Qam so'maxare 'naaco' queso leta'a: “Qami' 'yiiñite' ỹoto'o' naua ñaxari quiyim so'ueenataxantacot qami', chaqai se ỹauana quiyim se ña'xaỹaxana qami'. Qam se ỹauanapega quiyim 'ue ca 'oonoqui' 'ỹaañitem aỹim quetaq llaalec, qaiyi so'uet ca iqui'ỹaxac, ca ñouanta'ai' na ñamigollipi.

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Lucas 15:6

Ca' ma' ỹoviro queca la'a', ca lapoonta' ca namigollipi chaqai ca la'aayaxauaripi. Ca' 'naapega: “'Maxaraic qamiri ñitoonaxaua', ma' mashic sanata añi ilo qagreta na'laañi.”

Lucas 15:8

Loqo'm ¿negue' aca 'aalo quiyim hueeto'oto caua diez chiróla, ca 'ue aca na'laañi, mese copata'a aca lcoỹeraxanaxaqui, ca' i'lec ca la'a', qam ỹaatqajam 'xoic da letelaxa ra'iite'e vire'to' ma' ỹanata?

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Lucas 5:32

Aỹim se ñanaque quiyim soỹaxana ca qom lo'yaxanec, ta'ta'a ca sauaqhuaic, qaiyi ỹalate' naua lanatqa.

Romanos 7:9

'Vio' saua na'xata' quiyim yca'leetauec, ma' qaicaua naua naqataxaco. Qam na' novi' da naqataxac, ca só'maq se no'uen liỹa nca'leuec, ca' ỹim 'ec yileu.