Lucas 15:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' ma' ỹoviro queca la'a', ca lapoonta' ca namigollipi chaqai ca la'aayaxauaripi. Ca' 'naapega: “'Maxaraic qamiri ñitoonaxaua', ma' mashic sanata añi ilo qagreta na'laañi.”

Lucas 15:6 Iomraidhean Croise

Lucas 1:58

Ca ná'maq sqoỹoqaque quiyi la'a' chaqai na lauo' laseripi nqo'ta aso'maxare qanetoonta'pegue co'na' qaỹa'den quiyim ñi qara'gaxala' ỹaatqajam 'xoic da le'xorenataxanaxa caso'maxare.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 15:24

Ma' dajo ỹaalcolec mashic tot qaica, qam liỹa nca'leuec. Da'maxare mashic na'laañi, qam mashic sanataxa.” Ca' qaỹo'uet sojo nemaqachic.

Lucas 15:5

Ca noma' ỹanata, ca illaalec na lallaac, ca ỹaatqajam ỹa'maqachiguiñi.

Lucas 15:7

Ca' ỹim shinac chaqai 'nejem queda piguim ỹaatqajam 'xoic ca toonaxac quiyim 'ue ca qom sauaqhuaic netacocha queca noventa y nueve qomyipi 'maxaraic se ỹouen quiyim netacocha.

Juan 15:14

No'm 'viichii da ilaataxanaxac, ca' qamiri ñauochaxaua'.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Filipenses 1:4

Ca quena' ñqouagaxain, 'ue quen da ñitoonaxac quena' sashiilaxanteguelgoto qamiá'ogue.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

Filipenses 4:1

Ca vichiguiño' qamiri ñauochaxaua' ỹaqaỹa', sahotaque ñauañiguita qamiri, ma' qamiri nauá'maq 'em 'ue da ñitoonaxac, chaqai qamiri 'ec ỹaueguec. Chaqaida 'ñiitari' quiitalec so qara'gaxala', qamiri ñauochaxaua'.

1 Tesalonicenses 2:19

Ma' ¿negue' queto' ca ỹo'uet ca qanaquitaxac, chaqai ca qanetoonaxac? ¿Negue' queto' ca ỹo'uet ca la'maxa qouel queda ñitoonqata'pegue? Chaqaqamiri ma'le, ma' novi' so qara'gaxala' Jesucristo.

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.