Lucas 15:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca noma' ỹanata, ca illaalec na lallaac, ca ỹaatqajam ỹa'maqachiguiñi.

Lucas 15:5 Iomraidhean Croise

Isaías 62:12

Ca' na llaalqaipi so Israel qaỹamata'gue: Ná'maq co'teeta nalamaxaret, Ná'maq qaỹosouec quiñi qara'gaxala', chaqai na Jerusalén qaỹamata'gue Na'a' nqo'itaxat, Na'a' se ỹauanapega qaỹalat.

Isaías 62:5

Ma' 'nejem ca ne'necoqui' quiyim shilliguit aca napiitaxaua, ca' chaqaida 'ne'tegue ñi qota'olec icoñiraxaua' quiyim qami' loua, liỹa no'xonshiguim aqami', ca' netoonta'pegue qami', 'nejem cá'maq chita'gue 'on netoonta'pegue aca loua.

Ezequiel 18:23

Ỹim se yqo'ta quiyim ileu ca hualoxonaq, ta'ta'a quiyim netogochigui lauel, na'maxateta, qaiyi nca'leuec. Ỹim na'gaxala', se'taxajñi da ỹa'qaatec.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Lucas 15:4

—¿Negue' cá caqamiri, no'm cien aca lalo qagreta, ca 'ue aca 'oono'lli' na'laañi, mesqai po'an aca noventa y nueve quena no'ueenaxa, ca' idaanaque acá'maq na'laañi, vire'to' ma' ỹanata?

Lucas 15:6

Ca' ma' ỹoviro queca la'a', ca lapoonta' ca namigollipi chaqai ca la'aayaxauaripi. Ca' 'naapega: “'Maxaraic qamiri ñitoonaxaua', ma' mashic sanata añi ilo qagreta na'laañi.”

Lucas 19:9

Ca' so Jesús 'naaco': —Nagui quena na'xa'a, ca novira'o' da nca'laxa najo na'a', ma' dajo ỹale qai'neeta llaalec so Abraham.

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Juan 15:11

Ỹim shine'tegue dajo da shinac, qaiyi qamiri ñitoonaxaua', chaqai qaiyi 'xoic ca netoonaxaguii.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 3:7

Ca' ỹaatqajam qaica ca sahotaque chi yi'laqac, qa' mashic qailarilec da na'qaatec. Qam da'maxare chicqochigui da lquesaxanaxa ñi qota'a.

1 Tesalonicenses 1:5

Ma' na' qomi' sa'xataq caqamiri da na'qaatec chicqaugui da nca'laxa, mese nodaachiriñi naua chi qara'qaatqa, ma' qai'neeta da lquesaxanaxa so Espíritu Santo, chaqai ỹaatqajam sa'deenqata quiyim dá'maq sa'xatqatac ỹaatqajam lliqueta. Qamiri 'yiiñita dá'maq qana'maqataxac na' salecqatauguilo qamiri, ma' sahoqotaque quiyim ra'maxaiñi.

2 Timoteo 2:26

qaiyi 'ec nelouec, ca' qohit cañi loqoinaxanaxaqui so na'ỹaapec, ma' ỹahotaque quiyim coñirari', ca' ỹoiquentac quecá'maq sham 'neeta'gue.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.