Lucas 15:4 - La'qaatqa ñi qota'olec Qota'olec & Qota'olec Novita Na Qomyipi

⁴ —¿Negue' cá caqamiri, no'm cien aca lalo qagreta, ca 'ue aca 'oono'lli' na'laañi, mesqai po'an aca noventa y nueve quena no'ueenaxa, ca' idaanaque acá'maq na'laañi, vire'to' ma' ỹanata?

Lucas 15:4 Iomraidhean Croise

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Ezequiel 34:31

Qamiri ná'maq ilo qagreta, ná'maq neetalec yi iqui'ỹaxanataxanqa'. Ỹim ná'maq ỹim qota'olec caqamiri. Ỹim na'gaxala', se'taxajñi da ỹa'qaatec. (35.1—36.15 Qaỹa'xat quiyim qaỹa'xalentac yí'maq neetalec yi 'laua Edom.)

Ezequiel 34:4

Qamiri sqo tauañii ana ỹolaaueta qagreta, chaqai se natariñii aná'maq 'ue na ralolaxa, chaqai sqa vii ca laxa' aná'maq qac na lichi, chaqai se rapilaxachiuo aná'maq ỹo'maauec, chaqai sqai daañiỹaque aná'maq na'laañi, ta'ta'a quiyim sqa 'maxachiỹa'gue chaqai 'ue da rqa'viiguii.

Ezequiel 34:8

Ỹim na'gaxala', ñallitalta' queda ñachaalataxac: Na ỹoreta'oguit iseripi toxonaxairipi rocacha chaqai ito ana ilo qagreta, ma' qaica ca reloxoỹa'a. Ná'maq neloxoỹaripi nqaishin se idaanaque ana ilo qagreta. Na neloxoỹaripi chi ncochiiteguelta', qam se cochiỹa aná'maq ilo qagreta.

Mateo 12:11

Ca' so Jesús 'naaco' quesaua'maxare: —¿Nega'ỹo'ca caqamiri, no'm 'ue aca lalo qagreta ilamqa'ñigui aca ni'ỹa queca na'xa'a co'mataxaqui, mesqai quepegue', ca' naqajshiguim?

Lucas 13:15

Ca' so qara'gaxala' saat, 'naaco': —Qamiri mashic 'ñiitapega quiyim qamiri 'maxaraqa, ¿peeta'a sqaica canchaqaica caqamiri ỹosouec ca lalo ñii'lola, loqo'm aca lalo 'ashina queca na'xa'a co'mataxaqui quiyim ỹauegaxasom, ne'taxan queca huaxaỹaq?

Lucas 15:3

Ca' so Jesús ỹa'uo' so raloqojnaxana, 'naaco':

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.