Lucas 15:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Qam so'maxare 'naaco' queso leta'a: “Qami' 'yiiñite' ỹoto'o' naua ñaxari quiyim so'ueenataxantacot qami', chaqai se ỹauana quiyim se ña'xaỹaxana qami'. Qam se ỹauanapega quiyim 'ue ca 'oonoqui' 'ỹaañitem aỹim quetaq llaalec, qaiyi so'uet ca iqui'ỹaxac, ca ñouanta'ai' na ñamigollipi.

Lucas 15:29 Iomraidhean Croise

Mateo 20:12

Ca 'neraco': “Só'maq co'uaataxantam chaqai cocho'qui' ro'ueenataxan, qam qami' 'nejem nqai'ñi' aná'maq qanishiuete, quiyim qomi' ñalauatqata'piguit so npa'ỹaaxa queso na'xa'alom so'ueenataxanqatac.”

Lucas 15:28

Qam só'maq lqaỹa ỹi ro'o, ca' se inoxono. Ca' vichiguiño' so leta'a que'oga, ne'xoresene'tot quiyim inoxono.

Lucas 15:30

Qam nagui novi' ñi qachaalqui' ma' chi iualaxain aso qadami' cana nanatqa lo'o', ca' lauataxañirelec, lauachi' so huaqui llaalec 'uegaxasaq.”

Lucas 15:7

Ca' ỹim shinac chaqai 'nejem queda piguim ỹaatqajam 'xoic ca toonaxac quiyim 'ue ca qom sauaqhuaic netacocha queca noventa y nueve qomyipi 'maxaraic se ỹouen quiyim netacocha.

Lucas 17:10

Ca' da 'neeta ma'le caqamiri ma' ỹovita quiyim ime dá'ogue da qailarelgoto qamiri quiñi qota'olec, ca' 'ñiỹac: “Qomi' ma' qomi' nelaatqa, ỹaatqajam qaica ca shinaxague, ma' ná'maq so'ueetqatac chaqainaata ná'maq chi qailaroxolec.”

Lucas 18:9

Sauaxat ná'maq 'neetapega quiyim 'maxaraic qomyipi, ca se ỹacoñiguit na liỹaripi, ca' so Jesús ỹa'uo' so liỹa raloqojnaxana, 'naaco':

Lucas 19:21

ma' ỹim 'ue da ỹoqolonaxa caqami', ma' ỹaatqajam qami' pagaxalaic quiyim coñita cá'maq se ralamaxachi' chaqai quiyim naqachi' cá'maq hua'ñi ca se qadanaxanqachi'.”

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Romanos 3:20

Ma' qaica quet cá'maq qaỹa'maxarenta quiñi qota'olec quiyim ỹo'ueetetac dá'maq 'naac na naqataxaquipi, ma' na naqataxaquipi, na'maxare chi ỹo'uet quiyim ỹa'deenaxanaxaneguelo qomi' quiyim qomi' sauaqhuaqa.

Romanos 3:27

¿Negue' cá'maq 'neeto' na'le dá'maq nemaqajnaxac na qom? Se qaỹalecqajno. Qam ¿chi'neco'? Ma' quiyim qaipacqajanchigui dá'maq 'naac na naqataxaquipi, ca chicqochigui da maqajnaxac. Qam queda npi'ỹaxac qaica ca lligo nqai'en.

Romanos 7:9

'Vio' saua na'xata' quiyim yca'leetauec, ma' qaicaua naua naqataxaco. Qam na' novi' da naqataxac, ca só'maq se no'uen liỹa nca'leuec, ca' ỹim 'ec yileu.

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.