Lucas 15:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Qam só'maq lqaỹa ỹi ro'o, ca' se inoxono. Ca' vichiguiño' so leta'a que'oga, ne'xoresene'tot quiyim inoxono.

Lucas 15:28 Iomraidhean Croise

Jonás 4:9

Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!

Mateo 20:11

Ca co'na' iconchiguit aso nishiuete', ca' ro'ỹeta so na'coote'.

Marcos 1:40

Ca 'uo' so ỹale rishiita na loshicmaxa nqo'neu'a so Jesús. Ca ỹa'chi'iño' naua le'cootal, ca 'naaco': —No'm 'maxariñi', ca' shichi' quiyim yomachirec quena yalolaxa.

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Lucas 15:2

Ca' quedajo, so fariseoipi chaqai ná'maq rapaxaguinataxanta'pegue na naqataxaquipi, queeteguelec se no'uen na ỹa'xatetac queso'maxare, 'naaco': —Dajo ỹale ỹacoñi'chiguit na sauaqhuaiquipi, chaqai lqui'ỹaxauaripi na'maxare.

Lucas 15:27

Ca só'maq ne'nec 'naaco': “Ñi rqaỹa'e' novi', vichiguiño' ñi qata'ahi relaataxanlec quiyim qaỹalauat so ỹaatqajam 'uegaxasaq huaqui llaalec, ma' ñi'maxare novi' 'maxaraic chaqai no'ueenta.”

Lucas 15:29

Qam so'maxare 'naaco' queso leta'a: “Qami' 'yiiñite' ỹoto'o' naua ñaxari quiyim so'ueenataxantacot qami', chaqai se ỹauana quiyim se ña'xaỹaxana qami'. Qam se ỹauanapega quiyim 'ue ca 'oonoqui' 'ỹaañitem aỹim quetaq llaalec, qaiyi so'uet ca iqui'ỹaxac, ca ñouanta'ai' na ñamigollipi.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 5:30

Qam so fariseoipi chaqai so liỹaripi só'maq rapaxaguinataxanta'pegue na naqataxaquipi, ca' queeteguelgoto saua nale' so Jesús. Ca' 'neetapegalo: —¿Chi'neco' qamiri ma' rqui'ỹaxauahi ná'maq sauaqhuaiquipi chaqai ná'maq ỹacona'piguit ana nishiuete ca nashi quiyi Roma?

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Hechos 13:45

Qam co'na' so judioipi iuane'ta so 'xoic qomyipi, ca se ỹa'maxaren. Ca' quiyi, ca retaqata'guit da la'qaatec so Pablo chaqai qaishiuentac.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 14:19

Ca 'vio' saua ỹovirero judío lase' chicqora'gue da Antioquía chaqai da Iconio, ca 'nerapega so qomyipi, ca qainaq quena qa' so Pablo. Ca' co'na' qohintapega mashic ileu, ca qaỹahoglene'ogue da lahi yi na'a'.

Hechos 14:2

Qam ná'maq judioipi ná'maq sqai huelec so Jesús, ca quigui ná'maq sqai judioipi quiyim qana'yiiñiguilo, ỹahotaque quiyim na'axat na la'deenataxanaxac queso nqaỹaripi.

Romanos 10:19

Qam lotqai liỹa senataxan: ¿Peeta'a na Israel laseripi se ỹa'deene'uegue da na'qaatec? ¡Ajá'a, ỹa'yiinchigui! Ma' dá'maq 'auaxaic ỹiriñi so Moisés la'qaatec ñi qota'a 'naacsa': Ỹim sa'ue ma'le da roquiiaxahi quecá'maq qomyipi se qauori laseripi, chaqai ỹaatqajam so'ooqochite' ma'le qamiri sauaxat na qomyipi ma' se nqo'ta quiyim 'ue ca ỹa'den.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

1 Samuel 17:28

Qam so Eliab só'maq lopiichi so David, co'na' 'xaỹa na' retaqatecto saua ỹale', ro'ỹa so'maxare. Ca 'naaco': —¿Negue' cá'maq naquito' quenajo? ¿Negue' cá'maq reloxoỹa'o' nqai'ñi' ca qagretaipi quiyi 'laua qaica qom? Ỹim sa'den dá'maq 'neeta dá'maq renataxanaxaqui' chaqai dá'maq ra'deenataxanaxaqui' se no'uen, ma' naqui', qam chaqai vi'saque 'ajñi' na lauataq.

1 Samuel 18:8

Ca' quedajo, ca' se ỹa'maxagui lauel nqai'en so Saúl. Ca co'na' ro'o, ca 'naaco': —So David imaalec nqohin quiyim ỹalauat so diez mil qomyipi, qam caỹim, ca qaisauate' saua mil. Ca ¡saqa'leca cocho'qui', ca' qoỹano nashi!