Lucas 15:23 - La'qaatqa ñi qota'olec Qota'olec & Qota'olec Novita Na Qomyipi

²³ Ime, ca' naviguiuo cá'maq ỹaatqajam 'uegaxasaq huaqui llaalec, ca' lauachii. Ime, ca ¡squi'ỹaq, so'ueetaq ca qaremaqachic!

Lucas 15:23 Iomraidhean Croise

Génesis 18:7

Ime, ca' so Abraham ne'guenta'oga yi hueeta'ñi so laloipi, ca' nca'au'a só'maq ỹaatqajam 'uegaxasaq huaqui llaalec. Ca' ỹaanem so lelaatec, ca so'maxare que'guena'gue ỹauaaque na'ic.

Salmos 63:5

Ỹaatqajam ya'maqachiguiñi ma'le, shinta cá'maq chita'gue ỹomat ca no'uen nqui'ỹaxac, ca' ñitoontac, semaqachintac qami' ma'le.

Proverbios 9:2

ca ỹalauat na iseripi queca lqui'ỹaxac, ỹa'maxatetañi ca no'uen lataxa, ca' illaalec ca nqui'ỹaxala'.

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Lucas 15:22

Qam so leta'a 'naapego' so lelaatqaipi, 'naaco': “Chaqa'ma' coñiỹalo caua no'viiñi noho, ca' ỹañiñi nqai'ñii, chaqai ỹanñi nqai'ñii aca lichicshaqate chaqai caua lapelate'.

Lucas 15:24

Ma' dajo ỹaalcolec mashic tot qaica, qam liỹa nca'leuec. Da'maxare mashic na'laañi, qam mashic sanataxa.” Ca' qaỹo'uet sojo nemaqachic.

1 Samuel 28:24

Ca' aso 'aalo, ca' eec, ỹalauat so huaqui llaalec 'uegaxasaq neeta'ñi yi la'a', chaqai ỹaqaulachit so 'aríña. Ca' ỹalataq aso laqaulata qaca aca lalequete pe'taxachigui.