Lucas 15:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' só'maq llaalec 'naaco': “Qami' ita'a, aỹim 'uo' da ỹasauaxaset hueeto'ot ñi qota'olec chaqai qami'. Ca' vichiguiño' sqa taiguit nagui quiyim 'ñirapiguiỹa' ỹim qachaalqui'.”

Lucas 15:21 Iomraidhean Croise

Salmos 51:4

'Ue da ỹasauaxaset caqami', da'maxare qaqamite' hueeto'ot, na' so'uet na se no'uen, ná'maq se rqo'chita qami'. Vichiguiño' ỹa'maqachiguiñi da ra'xalenataxanaxaqui'; chaqai sqaica imaqa'guita naua ra'qaataxahi'.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Lucas 15:22

Qam so leta'a 'naapego' so lelaatqaipi, 'naaco': “Chaqa'ma' coñiỹalo caua no'viiñi noho, ca' ỹañiñi nqai'ñii, chaqai ỹanñi nqai'ñii aca lichicshaqate chaqai caua lapelate'.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

1 Corintios 8:12

Ca no'm qamiri sauaxachii ca rqaỹahi saqa' ra'ñi ca lpi'ỹaxac, ca pa'aiuo 'ue ca rasauaxashichii queso Cristo.