Lucas 15:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 15:10 Iomraidhean Croise

Ezequiel 18:23

Ỹim se yqo'ta quiyim ileu ca hualoxonaq, ta'ta'a quiyim netogochigui lauel, na'maxateta, qaiyi nca'leuec. Ỹim na'gaxala', se'taxajñi da ỹa'qaatec.

Ezequiel 18:32

Ma' ỹim se sa'maxaren quiyim 'ue ca ileu. 'Xañiñi da se no'uen, qaiyi rca'lliiuec. Ỹim na'gaxala', se'taxajñi da ỹa'qaatec. (19.1—30.26 Ñi qara'gaxala' qota'olec ỹadentalec so lalamaxareteripi chaqai qai'neeta ỹadentalec so liỹa qomyipi sqoỹoqaque quiyi Judá.)

Mateo 10:32

Ca ná'ogue ná'maq ra'qaataxanem na qomyipi quiyim queetalec aỹim, ca ỹim qai'neeta sa'xat ma'le quiñi ita'a qota'olec neeta'gue da piguim.

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:14

Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Lucas 12:8

Ca' aỹim shinac quecá'ogue cá'maq ra'qaataxanem na qomyipi quiyim queeta'pegue' aỹim, ca' qai'neeta najo ỹale llaalec ichoxot quiyim lalamaxat na'maxare ma' hueetaugui na piguim le'ec lelaatqaipi ñi qota'a.

Lucas 12:9

Qam ca se ra'qaataxanougui na qomyipi quiyim queeta'pegue' aỹim, ca' ca'maxare qai'neeta se sa'xat quiyim ỹalamaxat ma' seuetaugui na lelaatqaipi piguim laseripi ñi qota'a.

Lucas 13:5

Ca' shinapegalo qamiri 'e'. Ma' qamiri qai'neeta no'm se retacochahi, ca' qamiá'ogue 'ñiita ma'le caua'maxare.

Lucas 15:11

So Jesús qai'neeta 'naac: —'Uo' so ỹale 'vio' saua dos llaalqa.

Lucas 15:7

Ca' ỹim shinac chaqai 'nejem queda piguim ỹaatqajam 'xoic ca toonaxac quiyim 'ue ca qom sauaqhuaic netacocha queca noventa y nueve qomyipi 'maxaraic se ỹouen quiyim netacocha.

Lucas 15:9

Ca' ma' ỹanata, ca lapoonta' na namigallipi chaqai na la'aayaxaua 'aallipi, ca 'naapega: “Netoonaxauahi aỹim, nagui mashic sanata ayí'maq ỹam chiróla na'laañi.”

Lucas 7:47

Ca' vichiguiño' nagui shiñirapegaxaua', cañi'maxare queda lodegaxat le'xorenataxanaxa chicqochigui quiyim 'xoic ca lasauaxaset qaỹapalaxat; ma' ca qom quiyim sqailligueme' ca lasauaxaset qaỹapalaxat, ca' chaqai 'nejem sqailligueme' re'oq ca le'xorenataxanaxa.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

2 Corintios 7:10

Ma' cá'maq nachicoxo quiyim qana'ñaxachiguit quiyim nqo'ta ñi qota'a, ca chicqaugui ca togotaxa, ca' re'oq nqai'en ca nca'laxa. Ca' sqai qanetogoteta'pegue. Qam da nachicoxo hueetalec na 'laua, ca chicqaugui da nelauaxa.

Filemón 1:15

Ca' sqoue quiyim ñi Onésimo qoshiiueco' na'le caqami', qam nagui, ca totqai ca'e qami', mashic pilliraxauot.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.