Lucas 14:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so Jesús inat ná'maq rapaxaguinataxanta'pegue na naqataxaquipi chaqai so fariseoipi, 'naaco': —¿Peeta'a qaỹasenta quiyim qaỹomatec ca ralolaxaic quiyi na'xa'a co'mataxaqui, loqo'm 'e'?

Lucas 14:3 Iomraidhean Croise

Mateo 12:10

Ca' hueete'eyi so ỹale rashivita da lqai'laxat. Ca ma' qaỹahotaque ca la'maqa' quiyim qaỹa'ue ca lasauaxaset so Jesús, ca qainato': —¿Ỹa'maqachiguiño' qaỹomatec ca ralolaxaic queca na'xa'a co'mataxaqui?

Mateo 12:2

Ca ná'maq ỹalequetaugui na fariseoipi co'na' iuane'ta dajo, ca' qohinapega so Jesús: —Ñaqai 'ajñi', nauá'maq rapaxaguinataxahi' ỹo'ueetesac dá'maq se qaỹa'maxaren qaỹo'uet quiyi na'xa'a co'mataxaqui.

Mateo 22:35

Ca 'uo' so 'óna napaxaguinataxanaq quena naqataxaquipi ỹalequetaho, ỹahotaque i'guen so Jesús. Ca' inat, 'naaco':

Marcos 3:4

Co'na' ime, ca inato' so qomyipi: —¿Negue' cá'maq qaỹa'maxarenta quiyim qaỹo'uet quiyi na'xa'a co'mataxaqui, cá'maq ỹa'maqachiguiñi, loqo'm ca se ỹa'maxañi? ¿Qanca'laxatec ca qom, loqo'm qaỹalauat? Qam saua'maxare i'marete', qaica ca retaqa.

Lucas 14:2

Ca' hueeta'anyi qai'neeta so ỹale na'uat na loshicmaxa reloqoto'ot so'maxare.

Lucas 14:4

Qam só'maq qomyipi ỹaatqajam i'maqajlem. Ca' so Jesús ipootau'a so ralolaxaic, ca chaqa'ma' imeuec nqai'en, ca' 'naapega quiyim eec.

Lucas 6:9

Ca' so Jesús 'naapego' so liỹaripi, 'naaco': —Ỹim senate' qamiri nagui: ¿Negue' cá'maq qaỹa'maxarenta qaỹo'uet quiyi na'xa'a co'mataxaqui, peeta'a cá'maq lo'yaxanec, loqo'm ca se no'uen? ¿qanca'laxatec, loqo'm qanaqat ca nachaalataxac?

Juan 7:23

Hua', qam nagui quiyim se napaguiỹalec na naqataxaquipi chicqo'ot so Moisés, ca' qamiri 'viichii ca netanec ca noctoqui', 'eno'm viichigui yi na'xa'a co'mataxaqui, qam ¿chi'neco' 'ohi caỹim ma' imeuec nqaishin ná'ogue na loshicmaxa so ỹale queso na'xa'a co'mataxaqui?