Lucas 14:21 - La'qaatqa ñi qota'olec Qota'olec & Qota'olec Novita Na Qomyipi

²¹ Qam co'na' rapil so nelaatec, ca' ra'qaataxanem dá'ogue dajo só'maq na'co'. Ca só'maq na'co' ro'o. Ca 'naapego' so lelaatec: “Mo'e', quiteguelo naua nayico chaqai naua nayicolqai' quenajo na'a'. Ime, ca naviquiro ma'le na 'xoraiquipi chaqai na tot qaica ca 'negue chaqai na ni'iraho naua lichil, chaqai na qai'laqaipi.”

Lucas 14:21 Iomraidhean Croise

Isaías 35:6

ca' na se ra'ñiiguelo naua lichil nenojshiguim 'ec ca re'xone', chaqai na qaicaua caua la'qaatqa, ca ỹaualaq. Quiyi rashivijlec 'laua qaica qom, ca' ne'paxantashiguim ma'le ca quesaxan huaxaỹaq.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 15:12

Ca' saua lapaxaguinatqa so Jesús noquiicra'a so'maxare, ca 'neraco': —¿'Yiiñi' quiyim so fariseoipi ỹaatqajam ro'o na' 'xaỹa da ra'qaachiqui'?

Mateo 18:31

Ca co'na' iuanchigui dajo só'maq liỹa lo'ueenataxanaxauaripi, ca' 'xoic lqui'ic nqai'en dajo. Ca' querepegue' so na'coote', ra'qaataxanta quedá'ogue dá'maq 'neeta dajo.

Mateo 20:7

Ca' saua'maxare 'neraco': “Qaica cá'maq ỹa'ue ca qaro'ueenatec vichiguiño'.” Co'na'le, ca so a'co' 'naapegalo': “Quiipegue' quet qai'neeta yi ỹanaxanqa'. Ca' sepacqajanchigui ma'le acá'maq laseuete ca ro'ueenataxanaxaguii.”

Lucas 14:13

Qam no'm 'viichi' ca nqui'ỹaxac, talaxañi' quena 'xoraic, chaqai na tot qaica ca 'negue, chaqai na ni'iraho naua lichil, chaqai na qai'laqaipi,

Lucas 14:20

Ca' so liỹa 'naaco': “Aỹim, qam chita'gue so'on, ca' vichiguiño' ỹim se seshit quiyim shic.”

Lucas 14:22

Ca co'na' mashic shi'gom, ca lotqai novi' so nelaatec, ca' ra'qaataxan, 'naaco': “Qami' ña'co', mashic shi'gue so'uet da relaataxanaxaqui', qam qaiyiita 'ue nedaaqa'.”

Lucas 14:24

Ma' ỹim shinac quiyim sqaica ca quenataq 'auaxaic ỹalecseripi tot ishit quiyim ñouanaxaua quena noq.”

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 9:10

Co'na' so lapaxaguinatqaipi so Jesús mashic rapil, ca qara'qaataxantapeguem quedá'maq lo'ueenatqaipi. Ca' so'maxare nodaqajantec so qomyipi quiyim ỹauega yi 'laua sqoỹoqaque quiyi na'a' Betsaida.

Juan 9:39

Co'na' ime, ca 'naaco' so Jesús: —Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.

1 Samuel 2:8

Ca' ñi qota'olec ne'laxashiguim nqai'en quena 'laua ca 'xoraic, chaqai ỹachigoxochichicñigui na lete loma' ca shiilaxanaxaic; ca' nqa'xanaxañigui na nashillipi, chaqai illa'ñi ca 'xoic lemaqachic noma'; ma' ñi qara'gaxala' ỹaatqajam looỹac na lomala' na 'laua, ime, ca' illaalec ná'ogue nanchaqaina.

1 Samuel 25:12

Ca' so lelaatqaipi so David pil. Ca co'na' qaỹovita so David, ca' qara'qaataxanem queda la'qaatqaipi so Nabal.