Lucas 14:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam sá'ogue daachiguiñi na 'ue na ỹeguelec. Ca só'maq 'auaxaic 'naaco': “Ỹim chita'gue quiyim seshiujnaxana yi ña'laua, ca' ỹim shic quiyim sa'ajnaxane'oga. Ca' nagui ñi'xoresene'tot qami' quiyim chi yi'xoriñi'sac.”

Lucas 14:18 Iomraidhean Croise

Lucas 14:17

Ca co'na' ỹovita ca laloqo' quiyim que'e, ca ila' so lelaatec quiyim 'naapegalo caua lalecse': “Naguii, ma' mashic yá'ogue ỹa'maqatañi.”

Lucas 14:19

Ca' so liỹa 'naaco': “Ỹim, qam chita'gue seshiujnaxanalo yaua cinco notauaripi toorollipi, ca' nagui sahotaque quiyim se'guen. Ca' ỹim chi qouaquiric chaqai yi'xoriñi'.”

Lucas 18:24

Ca' so Jesús co'na' iuana so'maxare quiyim ỹaatqajam rachicota, ca' 'naaco': —¡Ỹaatqajam 'xoic lqalaic quena nesallaxanqaipi quiyim inoxoneu'a da lo'ueenataxanaxac ñi qota'a ma' ỹoiquentac ná'ogue najo!

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 5:40

Qam qamiri sqa 'maxariñii naguipegue' aỹim, qaiyi coñiguit dajo nca'laxa.

Filipenses 3:4

'Eno'm ỹim qai'neeta 'ue quet cá'maq 'neeta quiyim spe'eetapegalo nauajo, ma' qaica quet cá'maq napacalec aỹim quiyim spe'eetapegalo naua'maxare.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

2 Timoteo 4:4

Ca' ỹapoguilo naua lque'la lauaco, qaiyi sqa 'xaỹa dá'maq ỹaatqajam llic leloxoỹaxac, ca' huelec ná'ogue nanchaqaina la'xaỹaxac.

Hebreos 12:16

Chaqai caqamiri qaica quet cá'maq nocachita'piguit aca se loua, chaqai se liỹoqa'piguit cá'maq chicqo'ot ñi qota'a. Ma' chaqaido' da 'ne'tegue na'le so Esaú: ñi'chiguito' nqai'en so 'oonoqui' na'ic co'na' imen dá'maq qaỹaqatqajantari' taalec queta'le so'maxare, ma' 'auaxaic ñaalec.