Lucas 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam no'm 'viichi' ca nqui'ỹaxac, talaxañi' quena 'xoraic, chaqai na tot qaica ca 'negue, chaqai na ni'iraho naua lichil, chaqai na qai'laqaipi,

Lucas 14:13 Iomraidhean Croise

2 Samuel 6:19

Ca sá'ogue só'maq ỹalequetaho queso llaalqaipi so Israel, na ỹale chaqai ana 'aalo, qoỹaanem 'óna pan quiñi 'óna, chaqai ana nashiviaqata la ana nanecse chaavic dátiles, chaqai ana nashiviaqata 'uva. Ca co'na' ime dá'ogue, ca' pilapego quenaua la'aate'.

Nehemías 8:10

Chaqai qai'neeta 'naac so Esdras: —Mohi, a'guii cá'maq no'uen na'ic, chaqai ni'chiigui cá'maq lataxa chaqai nouañite'e' cá'maq qaica ca loq ỹa'maxatetañi, ma' najo na'xa'a lalamaxaret ñi qara'gaxala'. Totaxan chigoita, ma' se'guenqot da la'maxa lauel ñi qara'gaxala'.

Nehemías 8:12

Ca co'na'le, ca sá'ogue so qomyipi queho, que'e chaqai ne'et, chaqai ỹa'ue na nouanaxaua queso loq. Ca chalego lecaic so nemaqachic queso na'xa'a, ma' so qomyipi ỹa'yiinchigui dá'maq qaỹapaxaguinegue.

Isaías 58:10

no'm nañaañiralta' quiyim rqouaquitegue ca qopaaxaic, no'm tauañi' cá'maq 'ue ca louenaxanaxa, ca' naviguec aca rcoỹeraxanaxagui'i' queca napalaxa, ca' ra'alli' ñigui ca lauaq yi na'xa'a lavinñi.

Isaías 58:7

quiyim nouañise'e' ca qopaaxaic queca qanoqe' chaqai quiyim na'ñi ca ra'aachi' ca qaica ca lauo'; chaqai quiyim vite ca looỹac cá'maq sham neetauec chaqai quiyim rqouaquitegue cá'maq riỹa'e'.

Mateo 15:30

Ca' 'xoic so qomyipi ỹovira'a só'maq neeta'ñi so'maxare. Qanodou'a na chisaq, qai'laq, sqaicaua la'qaatqa, qaica lqai'laxat, chaqai 'xoic na liỹa ralolaxaic qailla'ñi yi reloqota'ñi so Jesús. Ca so'maxare imeuec nqai'en.

Mateo 22:10

Ca só'maq nelaatqaipi queguelo naua nayico, ca lapoon ná'ogue ná'maq iuanejlec. 'Ue na hualoxonaq chaqai na nouooquichiguiñi. Ca no'qaachigui so nqui'ỹaxaqui queso qomyipi.

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Lucas 14:12

'Naapega qai'neeta só'maq ỹale talaxantaco': —Noma' 'ỹaañirec ca na'ic, loqo'm 'viichi' ca nqui'ỹaxac, sqai ỹalli' na namigoi'ipi, chaqai na rqaỹachi'ipi, chaqai na qauochi' laseripi, chaqai na sqoỹoqaque quena ra'aachi' nesallaxanqaipi, ma' caua'maxare ma'le lotqai ỹale' aqami', ca' 'ue ca coñichiguit lopilaxaset.

Lucas 14:14

qaiyi ỹaatqajam chalego ca ra'maxa'e'. Ma' na'maxare se ishit quiyim rishivichiñi'. Qam qami' ma'le 'ue ca nishiuetenaxaqui', ma' ỹovita quiyim liỹa qanca'laxatec ná'maq ỹaatqajam 'maxaraic da no'ueenataxac qomyipi.

Lucas 14:21

Qam co'na' rapil so nelaatec, ca' ra'qaataxanem dá'ogue dajo só'maq na'co'. Ca só'maq na'co' ro'o. Ca 'naapego' so lelaatec: “Mo'e', quiteguelo naua nayico chaqai naua nayicolqai' quenajo na'a'. Ime, ca naviquiro ma'le na 'xoraiquipi chaqai na tot qaica ca 'negue chaqai na ni'iraho naua lichil, chaqai na qai'laqaipi.”

Hechos 9:39

Ca' so Pedro queguelo saua'maxare. Ca co'na' ỹoviro, ca qaỹavicshi'ma cá'maq shi'co' qaillaugui pa'aashiguim 'imec. Ca sá'ogue so pa'ỹellipi noỹentagui, lapoỹaho, ca qaỹachaxantapeguem na loxoquiripi chaqai na lamaxaquiripi ná'maq lo'ueenatqaipio' aso Dorcas co'na' ñaq nca'leetauec.

Deuteronomio 14:29

qaiyi ma' novi' na lotaua na netaxaỹaxanqajanqaipi quená'maq qaica ca na'laua, loqo'm na ỹoqa'a ca chicqa'gue, chaqai ana na'pelyipi, chaqai ana pa'ỹellipi, ca na'maxare ishit quiyim que'eetac, chi ỹovireta'a quiyim quema'. Qaiyi ñi qara'gaxala' qota'olec caqamiri nqouagueguelo qamiri quena re'qoochigui quená'ogue ná'maq 'viichii.

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Tito 1:8

Ta'ta'a quiyim quelolqachaqaic quiyim idaañiguit ca nouoq, chaqai nqo'ta quiyim ỹo'uet cá'maq ỹa'maqachiguiñi, na'maxateta, 'maxaraic da no'ueenataxac, co'teeta, ra'ijlec da nachaalataxac.

Filemón 1:7

Ca' 'xoic da ñitoonaxac, ña'ñaxatete'e' da re'xorenataxanaxa'e', ma' chicqochigui qami' quiyim ỹa'maqachigui na lauel ná'maq mashic icoñiguit da na'qaatec.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.