Lucas 14:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Lucas 14:11 Iomraidhean Croise

Ester 6:10

Ca' so nashi 'naaco' queso Amán: —Cha'regue chaqa'ma' qui', coñita ca ipo' chaqai ca iñaxala' shipgaq, ipaquichigui nqai'ñi' dá'maq 'ñirac. Ca' chaqaida 'ñitetegue queso judío le'ec Mardoqueo, só'maq nqa'xantañi quiñi lasom na iuo' lodegaxat. Ca' sqaica quet cá'maq se ipaguigui nqai'ñi' quenaua ra'qaataxahi'.

Proverbios 25:27

Se no'uen quiyim 'xoic ca qaỹa'ic quena rapic li'i, qam chalego loyac quiyim qaimitaque ca leloxoỹaxac ná'maq 'xoic ca lqalaic.

Isaías 2:11

Na nemaqajnaxairipi se nedaanshiguim ma'le; na napacqajnaxairipi nemanachit ma'le. Qaisoota so qara'gaxala' qota'olec ỹachaxan ma'le da lecaic quecajo na'xa'a,

Isaías 2:17

Na nemaqajnaxairipi chaqai na napacqajnaxairipi ỹaatqajam nemanachit nqohin ma'le. Qaiñiita ñi qara'gaxala' ỹachaxan da lecaic quecajo na'xa'a

Mateo 23:12

Ma' cá'maq ỹacona da napacqajnaxac caqamiri, ca' ta'anquira nqohin. Qam cá'maq neneequesen, ca' paguec lecaic nqohin.

Lucas 1:51

Chaqai ñi'maxare ỹaatqajam sqaica 'nejem da lquesaxanaxa da lo'ueenataxanaxac, chaqai loxonec ná'ogue na nemaqajnaxairipi.

Lucas 1:52

Chaqai ná'maq 'ñaaxaiquipi ỹaxañiñi nqai'en naua lo'ueenataxanaxaco, qam na 'xoraiquipi, ca lot navicshiguim.

Lucas 14:12

'Naapega qai'neeta só'maq ỹale talaxantaco': —Noma' 'ỹaañirec ca na'ic, loqo'm 'viichi' ca nqui'ỹaxac, sqai ỹalli' na namigoi'ipi, chaqai na rqaỹachi'ipi, chaqai na qauochi' laseripi, chaqai na sqoỹoqaque quena ra'aachi' nesallaxanqaipi, ma' caua'maxare ma'le lotqai ỹale' aqami', ca' 'ue ca coñichiguit lopilaxaset.

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Santiago 1:9

Ca qarqaỹa no'm ñaqai 'xoraic, queca'maxare no'uen quiyim ỹaatqajam netoontac ma' ỹovi' ca na'xa'a quiyim qaỹalamaxajñi quiñi qota'a.

Santiago 4:10

Ne'xorishiñi'tot ñi qara'gaxala', ca ñi'maxare nanochishiguim quiyim choxoraiqa nqai'ne' qamiri.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.

1 Pedro 5:6

Ca niñiiquishiñii, 'guiñiỹoto naua laua' ñi qota'olec maq sqaica lqalanec, qaiyi ñi'maxare ỹalamaxachiñi qamiri ma' ỹovita ca laloqo'.

1 Samuel 15:17

Ca' so Samuel 'naaco' queso'maxare: —¿Mese na'yiiñiralta'o' quen quiyim qaica ca 'ñitegue na'le? Qam vichira'a quiyim qami' la'gaxala' na doce llaalqaipi so Israel, chaqai ñi qara'gaxala' ỹano qami' quiyim qami' nashi.