Lucas 13:4 - La'qaatqa ñi qota'olec Qota'olec & Qota'olec Novita Na Qomyipi

⁴ Loqo'm 'ñiitapega quesaua dieciocho qaipataqarañi co'na' 'guiñi aso naue na'ñi yi Siloé, ¿peeta'a 'ñiitapega paguec sauaqhuaiquipi quená'ogue na neeta'ñi yi Jerusalén?

Lucas 13:4 Iomraidhean Croise

Job 1:19

Na' novi' so nonot chicqo'tegue da pa'a'gue yi 'laua qaica qom, ca i'guenaxajñi so 'imec, ca pataqañi nqai'en sá'ogue so qachaalaxai'ipi, ca' qaỹimeta yayit, ca' ñanac sa'ue da ra'xaỹaxaqui'.

Isaías 8:6

Ma' ỹaatqajam no'cha'a najo qomyipi ñi nashi Rezín chaqai ñi liỹa nashi, llaalec so Remalías, vichiguiño' ỹañijin na huaxaỹaq caso ñaachi Siloé, quiyim queeta nichireta,

Mateo 18:24

Ca co'na' mashic naloqochintac ana na'uale, ca qanauequetaho' so 'óna ỹaatqajam 'xoic aso la'uale.

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Lucas 11:4

Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 13:3

Ỹim shinac 'e'. No'm qamiri se retacochahi, qamiá'ogue 'ñiita ma'le caua'maxare.

Lucas 13:5

Ca' shinapegalo qamiri 'e'. Ma' qamiri qai'neeta no'm se retacochahi, ca' qamiá'ogue 'ñiita ma'le caua'maxare.

Juan 9:11

Ca so'maxare 'naaco' queso qomyipi: —So ỹale leenaxat Jesús ỹo'uet so nishaaxa, ca ỹa'meenlgoto naua ñqote'. Ca 'naapiguiỹa': “Quirepegue' añi huaxaỹaq lahi' leenaxat Siloé, ca nquiỹo'e'.” Ca shic na'le, ca na' ñquiỹo, ca seshit ñiuanñi.

Juan 9:7

Ca co'na'le, ca 'naaco': —Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'. Ca' so qai'laq eec, nquiỹo. Ca co'na' rapil, ca neuanchiguiñi.

Hechos 28:4

Ca' so qomyipi na'ñi yi Malta ỹauanchigui so nanaic ỹa'queetaho queda lqai'laxat so Pablo, ca sá'ogue retaxaỹata', 'naaco': —Da ỹale peeta'a ỹaatqajam lauataxanaxai. Vichiguiño' qaỹa'caañi. Ma' 'eno'm nca'leuec cana huaaxai, qam ñí'maq se re'xogui ñí'maq ỹa'ue laseue' na nasauaxaset sqai ỹaxanegue quiyim nca'leetauec.