Lucas 13:34 - La'qaatqa ñi qota'olec Qota'olec & Qota'olec Novita Na Qomyipi

³⁴ ¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Lucas 13:34 Iomraidhean Croise

Salmos 36:7

¡Chalego loyac da re'xorenataxanaxa'e', qami' qota'olec! ¡I'guenoto naua rauachi' na qomyipi, ma' huotaque quiyim 'ootaxañirelec!

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Isaías 30:15

Ñi qara'gaxala' qota'olec ñí'maq co'teeta quiyi Israel 'naac: “Rapilliu'a ỹim, re'maxaitam, qaiyi rca'lliiuec. Ca ma' re'maxaitam chaqai da rpi'ỹaxaguii, ca' hueetagui ma'le ca rquesaxanaxahi.” Qam se na'xaỹaxañii,

Jeremías 26:23

Ca saua'maxare ne'xate' so Urías queda Egipto, ca' qoỹaanem so nashi Joacim, ca so'maxare relaataxanlec quiyim qaỹalauat, ca' so loshicmaxa qaillaañigui aso napal lahi', qaỹalecqajnougui na 'xoraiquipi.

Oseas 11:2

Qam na' paguec soỹaxantapega, ca' paguec nqo'neetauec caỹim. Na ỹalamaxareteripi copata'a na lachitaxanataxanaxat quená'maq 'naac qota'olqaipi, chaqai ỹa'ue na lichiinaxanaxat quena lashiilqaipi.

Oseas 11:7

Na ỹalamaxareteripi ipaqueteguelec quiyim noỹootec caỹim; ỹalamaxatashiguim da laualaxac, qam qaica ca ỹotauan.

Joel 2:23

¡Netooñitac qamiri ñiỹa'ñi na Sión, netooñita'gue ñi qara'gaxala' ñí'maq qota'olec caqamiri! Ma' chaqaiñi ñí'maq nela' na ỹaxat na' viñitac, naua ỹaaqate' quiyi no'oomaxa chaqai yi nosaxa, dá'maq chaqai'en 'neetari' quen quesom.

Mateo 22:3

Ca ilate' saua lelaatqa quiyim que'ogalo caua lalecse', qam caua'maxare se ỹa'maxarene' ỹalequesaho.

Mateo 22:6

chaqai saua liỹa', ca' iconlgoto saua lelaatqa so nashi, ca' ỹouaxanta'pe, chi ỹovireta'a quiyim ỹalauate'.

Lucas 15:28

Qam só'maq lqaỹa ỹi ro'o, ca' se inoxono. Ca' vichiguiño' so leta'a que'oga, ne'xoresene'tot quiyim inoxono.

Lucas 19:44

Ca' nenaxañi qami' quena 'laua. Ime, ca' qaỹalauat ná'maq neetalec na ra'aachi', chaqai sqaica ca qano'ueenaqtañi caqami', vire'ta quiyim ca qa' hueetalec ca liỹa; ma' qami' sqa 'yiiñichiguit ca laloqo' quiyim novita qami' ñi qota'olec.

Lucas 23:28

Ca so Jesús nqovilca'guit, ca 'naapega so 'aallipi, 'naaco': —Qamiri 'aallipi ra'aari na Jerusalén, se nohiñilec aỹim, ta'ta'a chaqaqamii chaqai naua qachaalaxahi nohiñilec.

Hechos 7:52

¿Nega'ỹo' ca quesaua qota'a la'qaataxanqajanqa se qaiqa'viỹa'gue queso 'auaxaic qata'illipi? Saua'maxare ỹalauate'o' sauá'maq ỹa'xatesa'guit da loviraxac só'maq ipacqajanchigui ỹo'uet da la'qaatec ñi qota'a. Ca nagui novi' so'maxare, ca qamiri chaqai coñijlec, lauachii.

Hechos 7:59

Ca co'na' ñaq qainaqatac so Esteban, ca nqouagaxaintac, 'naaco': —Qami' ỹa'gaxala' Jesús, coñichiguit na ỹa'al.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

Apocalipsis 11:8

Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.

Rut 2:12

Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!