Lucas 13:33 - La'qaatqa ñi qota'olec Qota'olec & Qota'olec Novita Na Qomyipi

³³ Qalaxam no'uen quiyim shic lecocho'qui' quena na'xa'a chaqai nete'e chaqai ca liỹa na'xa'a, ma' se ỹa'maxañi quiyim qaỹalauat ca letaxaỹaxaqui ñi qota'a pa'aatauec quiyi Jerusalén.

Lucas 13:33 Iomraidhean Croise

Mateo 20:18

—Ca' qamiri 'yiiñita nagui qomi' saaqatashi'ma yi Jerusalén. Ca' yí, hua'ñi ma'le quiyim najo ỹale llaalec qoỹaaneu'a ma'le na la'gaxalateripi na letaxaỹaxanqajanqaipi na qomyipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi, quiyim ỹoiquenac cá'maq 'neeta'gue ca lelauaxa,

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Lucas 9:53

Qam so qomyipi na'ñi yi Samaria se ỹacoñiguit so'maxare, ma' ỹa'den taata'gue da Jerusalén.

Juan 11:54

Vichiguiño' so Jesús tot nachaxanta quena' ỹalequetaugui na judioipi. Ta'ta'a quiyim taigue da 'laua Judea, quepegue' yi leseeque'ta yi 'laua qaica qom quiyi na'a' leenaxat Efraín. Ca neeta'anyi liỹaatac so lapaxaguinatqaipi.

Juan 11:9

Ca' so Jesús 'naaco': —Yi 'óna na'xa'a ¿se ỹovito'o' caua doce horas? Ma' queca 'óna qom quiyim ỹouootegueri' quiyi na'xa'a, ca se repoxolaxan, ma' iuana na lauaq 'ue quena 'laua.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 13:27

Ma' só'maq neeta'ñi yi Jerusalén chaqai so lashillipi se ỹa'den negue' só'maq Jesús, chaqai se ỹa'deene' naua retaqateguelgoto lerecse' saua 'auaxaiqa letaxaỹaxaqui' ñi qota'a quena' ỹovire'oga yi na'xa'a co'mataxaqui. Ca' na' iconlec so Jesús quiyim ỹalauat, ca ỹaatqajam ipaquichigui nqai'en nauá'maq naneresañi na'qaatqa.