Lucas 13:32 - La'qaatqa ñi qota'olec Qota'olec & Qota'olec Novita Na Qomyipi

³² Qam so'maxare 'naaco': —Mohi, 'qaataxañim ma'le cataq co'ỹaxaraic: “Nagui chaqai nete'e so'da'oguiyi na ne'ec lecmaxaiquipi, chaqai somatec na ralolaxaic, ca' nete'e liỹa, ca' yime.”

Lucas 13:32 Iomraidhean Croise

Marcos 6:14

Ca co'na' ỹa'den dajo so nashi Herodes, ma' mashic ná'ogue na qomyipi ỹa'deenta da na'qaataxac so Jesús. Ca' so Herodes 'naaco': —Ỹaatqajam chaqaida dá'maq nachilaxanataxanaq Juan liỹa nca'leuec, vichiguiño' 'ue dajo lquesaxanaxa.

Juan 10:32

Ca' so Jesús 'naaco': —Ỹim ỹaatqajam 'xoic ná'maq so'uet ỹa'maqachiguiñi, huañichigui qamiri, sachigoxochichigui da lquesaxanaxa ñi ita'a. Ca ¿negue' cá'maq sasoualec quena'maxare quiyim viitaque yinaxahi quena qa'?

Juan 19:30

Ca' so Jesús ni'chigui so lataxa lochiviaxaic. Ime, ca 'naaco': —Ca nagui ná'ogue imigui. Co'na'le, ca nanaqañi na lqahic, ca' ileu.

Hebreos 2:10

Ma' ñi qota'a lalamaxaret ná'ogue nanchaqaina 'ue, chaqai chaqai chicqo'ot ñi'maxare. Ca' ñi qota'a ỹahotaque quiyim ná'ogue na llaalqaipi nouanau'a da lauaq. Ca vichiguiño' ñi'maxare naloqojonchiguiñi nqai'en da no'ueenataxac so Jesucristo, só'maq lca'laxala' na'maxare, chicqochigui nqai'en da le'xoric.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

Hebreos 7:28

Da naqataxaquipi chicqo'ot so Moisés ishit ỹanashiguim ca qom saqa' nalogoñi co'it. Qam dá'maq ỹaanec la'qaatec na'le ñi qota'a, na' ime'uegue so naqataxaquipi, ca ỹanashiguim quiyim nashi quena netaxaỹaxanqajanqaipi so llaalec só'maq qaica ca lasauaxaset.