Lucas 13:24 - La'qaatqa ñi qota'olec Qota'olec & Qota'olec Novita Na Qomyipi

²⁴ —Nquipichiỹa'pegue' quiyim noxoñiho quiñi cocho'qui' lasom, ma' ỹim shinac quiyim ỹaatqajam 'xoic ma'le ca ỹahotaque inoxono, qam se ishit.

Lucas 13:24 Iomraidhean Croise

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Mateo 11:12

Chicqochi'ñi na' novi' so nachilaxanataxanaq leenaxat Juan, chi ỹovireta'a nagui, dá'maq lo'ueenataxanaxac ñi qota'a queda piguim ỹaatqajam 'ue da noqogaxanataxac. Ca ná'maq ỹouen dá'maq re'qoochigui lquesaxanaxa, na'maxare ỹahotaque rouootaxana'gue da'maxare.

Lucas 13:23

Ca 'uo' so renataxan, 'naaco': —Qami' qara'gaxala', ¿sqo vite' cauá'maq nca'lerec? Ca' so'maxare 'naaco':

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Juan 13:33

Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 5:4

Ma' 'uo' quen yi na'xa'a quiyim novi' so piguim le'ec lelaatec ñi qota'a quiyim novita aso lahi' na huaxaỹaq quiyim idaxan na le'ec. Ca cá'maq 'au tangui aso'maxare quena' ime qaidaxan na le'ec, ca chaqa'ma' imeuec quecanchaqaica ralolaxa.

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Juan 7:34

Qamiri daañitaque ma'le aỹim, qam sqa nachiua', ma' sqai shichii 'iigue ma'le dá'maq senta'gue.

Juan 8:21

So Jesús lotqai liỹa 'naaco': —Ỹim shic, ca' qamiri daañitaque ma'le aỹim, qam qamiri rillivii quiita'ñi' ma'le na rasauaxashichii. Qam dá'maq saigue, qamiri sqai shichii 'iigue.

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

2 Pedro 1:10

Vichiguiño' qamiri ỹaqaỹa', mashic ime quiyim roỹaxanalo chaqai nca'au'alo qamiri ñi qota'a, ca nquipichiỹa'pegue' quiyim dajo ỹaatqajam 'chichiguiñi nqai'ñii caqamiri. Ca no'm 'ñii'tegue dajo, ca' tot qaica ma'le ca huaañi.