Lucas 13:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so qara'gaxala' saat, 'naaco': —Qamiri mashic 'ñiitapega quiyim qamiri 'maxaraqa, ¿peeta'a sqaica canchaqaica caqamiri ỹosouec ca lalo ñii'lola, loqo'm aca lalo 'ashina queca na'xa'a co'mataxaqui quiyim ỹauegaxasom, ne'taxan queca huaxaỹaq?

Lucas 13:15 Iomraidhean Croise

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 15:7

Ca' ¡qamiri 'ñiitapega quiyim ỹaatqajam qamiri llaalqa ñi qota'olec! Ca dá'maq 'ñiitari' ỹaatqajam taachigui dá'maq ỹiriño' na'le so letaxaỹaxanqajnec ñi qota'a leenaxat Isaías, co'na' 'naac:

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Mateo 23:28

Ca' chaqaida 'ñiita qamiri; quená'maq pa'aauec 'ec qamiri lo'yaxanqa quena qomyipi, qam quená'maq pa'aauo no'qaachigui quedá'maq naqaigaxanqachic chaqai da 'ueenataxac chalego la'aaxa.

Mateo 7:5

Ca ma' 'ñiitapega quiyim qamiri 'maxaraqa, ca' 'au naqachii añí'maq loỹo neeta'ñigui ana nqochii, qaiyi ỹaatqajam neuañichiguiñi quiyim naqachii ca lichooqui' hueeta'ñigui aca nqote ca rqaỹahi.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 14:5

Ca' 'naapega so fariseoipi, 'naaco': —'Uo' cá caqamiri, no'm 'ue ca qalohi 'ashin, loqo'm ca ñii'lola, quiyim ta'ñigui aca ni'ỹa, ¿mesqai chaqa'ma' navicshiguim, 'eno'm nachinchigui ca na'xa'a co'mataxaqui?

Lucas 6:42

Qam no'm sqa 'yiiñira'a añi loỹo neeta'ñigui ana nqochi'i', ¿chi'neco' shichi' 'ñirapega ca rqaỹa'e': “Ỹaqaỹa, ñaq yayaxañirac ñaq ñaqat yi lichooqui' hueeta'ñigui ana nqochi'i'”? ¡Ma' qami' 'ñiisapega qami' 'maxaraic! 'auaxañi' naqachi' añí'maq loỹo neeta'ñigui ana nqochi'i', qaiyi ỹaatqajam huañiterelec quiyim naqachi' cá'maq lichooqui' hueeta'ñigui aca nqote ca rqaỹa'e'.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.