Lucas 13:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' ỹalequetaho' aso 'aalo mashic ỹovi' dieciocho ñaxari queso le'ne'. 'Uo' so le'ec lecmaxaic qoyimigui nqai'en, ca' aso'maxare se ishit nalamaxajñi.

Lucas 13:11 Iomraidhean Croise

Job 2:7

Ca' só'maq viraqataxanaxai ca'e ñi qara'gaxala', ca ilata so Job so nalolaxa chalego la'aaxa, quelec na loshicmaxa, chicqochi'ñiguilo naua lapiaate', ỹoviragui na lqahic.

Salmos 146:8

ñi qara'gaxala' liỹa neuanñi nqai'en na qai'laq; ñi qara'gaxala' nanojshiguim ná'maq mashic huaañi; ñi qara'gaxala' i'xoren ca ỹale 'maxataxaraic;

Salmos 42:5

¿Chi'negue queta' yiualtegueñi? ¿Chi'negue queta' 'ue ca hueetapigui iuel? Ma' da ñaquitaxac saanot ñi qota'olec, Ñí'maq ỹim shiquetalec semaqachintac. ¡Ñi'maxare qota'olec caỹim chaqai ica'laxaqui!

Salmos 6:2

Qami' ỹa'gaxala', yi'xoriñi', ma' ñauate'e quiyim qaica ca ỹa'ñaxac. Qami' ỹa'gaxala', rapilaxachi' ca ỹa'maxa, ma' ná'ogue na ỹoshicmaxa i'loxol.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Marcos 9:21

Ca' so Jesús inato' na'le so leta'a: —¿Shi'gom dá'maq 'neetari'o' quen dajo? Ca' so leta'a 'naaco': —Shi'gue na' ñaqai noctoqui'.

Lucas 13:12

Ca co'na' so Jesús idaana'a, ca roỹaxana, ca' 'naapego': —Qami' 'aalo, nagui mashic souec qami' quena ralolaxa'e'.

Lucas 13:16

Qam cadajo 'aalo ma' llaale so Abraham, ca' so na'ỹaapec coñiretari' ada'maxare quedajo nalolaxa nagui mashic ỹovi' dieciocho ñaxari, ca' ¿se ỹa'maxaño' quiyim qaỹosouec quedajo ralolaxa queca na'xa'a co'mataxaqui?

Lucas 21:28

Ma' ỹovita quiyim re'xoi' naua'que nauajo, ca' ỹaatqajam na'ñaxachii chaqai nanorishiguim naua rqahigori, ma' sqaỹaloq quiyim qarosohiuec qamiri.

Lucas 8:2

Chaqai 'uo' so nauequeta'pegue' 'aallipi quesauá'maq shi'co' imeuec nqai'en queca le'ec lecmaxaic chaqai na chi ralolaxa. Ỹalequetaho' aso María qohinaco' quen Magdala lase, aso'maxare shi'co' chicqaugui so siete ne'ec lecmaxaiquipi;

Lucas 8:27

Ca co'na' chi ỹovijta so Jesús quiyijo 'laua, ca naco' so ỹale chicqaugui yi na'a'. Sojo ỹale mashic 'vio' saua ñaxari quiyim 'uo' so le'ec lecmaxaiquipi, ca' totqa ỹañiñi naua loho. Chaqai totqai naugui ca 'imec. Qaicaata hueeta'oga ca napalyipi.

Lucas 8:43

Ca' queso qomyipi ỹalequetauguio' aso 'aalo 'ue so le'ne'. Aso'maxare mashic ỹovi' doce ñaxari da le'xoric quiyim naqueta'pe naua leuo'. Chi ỹomatetaho' quena natarenataxanyipi sá'ogue so louenqaipi, qam sqaica ca ishit ỹomatec.

Hechos 3:2

Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.

Hechos 4:22

Ma' so ỹale só'maq qaỹomatec, só'maq qailliichigui dajo netanec lodegaxat, mashic napacalgoto cuarenta ñaxari.