Lucas 12:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ Qam ca nelaatec quiyim se ỹa'den ca ỹahotaque ca na'co', ca' ỹo'uet ca chicqaugui ca nouaxanaxaset, ca sqailligueme' ca nouaxanaxaset. Ma' ca 'xoic ca qoỹaanem, ca 'xoic ma'le ca qaroỹaxanaque, chaqai ca 'xoic ca qaipataxalec, ca paguec lecaic ca qaroỹaxanaque.

Lucas 12:48 Iomraidhean Croise

Mateo 13:12

Ma' cá'maq 'ue ca hueeto'ot, ca qanoquigaxatec ca qoỹaanem, qaiyi ỹaatqajam qaica ca ỹouentaque. Qam cá'maq qaica ca hueeto'ot, ca vire'ta cá'maq cocho'qui' hueeto'ot qarouootaxana'gue.

Mateo 23:14

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qam quena' ime huootaxañiỹa'gue na la'a' na pa'ỹellipi, ca' chi nañoqotaxac, ca' ladocaic nqai'en da nqouagaxainaxac. Ca' quedajo, ca' paguec lecaic ma'le ca nouaxanaxashichii.

Lucas 12:41

Ca' so Pedro renataxan: —Qami' qara'gaxala', dajo raloqojnaxanaxachi', ¿peeta'a nodaaterec tauguilo qomi', loqo'm ná'ogue na liỹa qomyipi qai'neeta?

Lucas 12:49

Aỹim ñanac quiyim scopata'a ca norec quena 'laua; chaqai ¡chalego na ishoxo quiyim chaqa'ma' ỹaviquetaugui nagui!

Lucas 16:2

Ca' so na'co' roỹaxane'oga so'maxare, ca 'naapega, 'naaco': “¿Negue' ca 'neeta dá'maq qaỹa'xatetac caqami'? Naloqojñi' ma'le ca ro'ueenataxanaxaqui'. Ime, ca' nodo'iro quenajo, ma' totqa qami' neloxoỹaq ma'le quiyi ỹa'a'.”

Juan 15:22

Queta' se ñanac quiyim setaqaugui na'maxare, ca sqaica quet ca lasauaxaset. Qam nagui qaica quet cá'maq i'guenegue quiyim noqollictegue da lasauaxaset.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

1 Timoteo 1:11

Ma' dá'maq ỹaatqajam 'maxaraic napaxaguinataxanaxac ỹaatqajam nachiñi'chiguit da na'qaatec chicqaugui dá'maq ỹapaguec loyac nca'laxa, dá'maq chicqo'tot ñi qota'a ñí'maq qaimaqachintac. Ca' da'maxare ỹamaxailec quiyim sa'xatetac.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Timoteo 6:20

Qami' Timoteo, ỹaatqajam cochi'to' ma'le dá'maq qaipataqairaxalec lo'ueenataxanaxac ñi qota'a. Chaqai se na'xaỹaxañita na chi na'qaataxanaxac huelec najo ma' qaica ca 'negue, chaqai da npa'guenaxanaxac chicqaugui dá'maq qohintapega na'deenaxanaxa, qam mesqaida.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.

Santiago 3:1

Qamiri ỹaqaỹarolqa, 'neeto' 'xoic ca napaxaguinataxanaq caqamiri, ma' mashic 'yiiñii quiyim qomi' mashic sapaxaguinataxanqatac paguec lecaic ca qanouaxanaxaset ma'le, mesqai shinqata na qariỹaripi.