Lucas 12:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ Qam quecajo 'neetapega quiyim sqaua' novi' ca na'co', ca' ỹouaxantac na liỹaripi nelaatqaipi chaqana nelaataipi, ime, ca' quelec da lqui'ỹaxac, chaqai da ne'taxac quena lataxa,

Lucas 12:45 Iomraidhean Croise

Jeremías 20:2

ca' relaataxanlec quiyim qaỹouaxantac, ca' qaillaugui ñi ncoñiitaxanaxaqui quiñi liỹa nasom so Benjamín pa'aashiguim, na'deetaho quiñi no'ueenaxanaxaqui.

Ezequiel 34:8

Ỹim na'gaxala', ñallitalta' queda ñachaalataxac: Na ỹoreta'oguit iseripi toxonaxairipi rocacha chaqai ito ana ilo qagreta, ma' qaica ca reloxoỹa'a. Ná'maq neloxoỹaripi nqaishin se idaanaque ana ilo qagreta. Na neloxoỹaripi chi ncochiiteguelta', qam se cochiỹa aná'maq ilo qagreta.

Mateo 22:6

chaqai saua liỹa', ca' iconlgoto saua lelaatqa so nashi, ca' ỹouaxanta'pe, chi ỹovireta'a quiyim ỹalauate'.

Lucas 12:44

Aỹim ỹaatqajam llic da shinac quecajo a'co' ỹamaxalec ma'le quiyim reloxoỹa'a cá'ogue cá'maq louenec.

Lucas 12:46

ca' so na'co' novi' quecajo na'xa'a quiyim so lelaatec se ỹahotaque chaqai ca laloqo' se ỹa'den, ime, ca' qaỹa'ue ca nouaxanaxaset chalego lecaic, 'nejem nqohin ca nouaxanaxaset ná'maq mese na'xaỹaxan.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Juan 2:10

Ca 'naapego': —Ná'ogue na qom ỹa'auaxan imeenec quen ná'maq no'uen lataxa. Ca quena' mashic 'xoic na qani'chigui, ca' qane'taxañigui ná'maq qailligueme' no'uen. Qam qami' ỹovireta'a nagui ñaqai 'maxachisac ná'maq no'uen lataxa.

Hechos 2:18

Quecauajo na'xata', ca seuagaxatec na ñi'Espíritu, socorelec na ilaatqaipi chaqai ana ilaataipi, ca' ra'qaataxan, ỹa'xat da ỹa'qaatec.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

Deuteronomio 12:12

Ca ma'le, ca' 'viichii ca rqui'ỹaxaguii, iuanchiguilo qamiri ñi qara'gaxala'. Rqui'ỹaxauahi na qachaalaxahipi chaqai naua relaataxahi chaqai naua lotauaripi na netaxaỹaxanqajanqaipi quiyim qaretaxaỹa'pegue' ñi qota'a neetauguilo qamiri, ma' na'maxare se qoỹaanem cá'maq ỹaatqajam lalamaxaret la'a'.

1 Tesalonicenses 5:7

Quená'maq laq, laq quiyi pe, chaqai ná'maq quiñiuguet, lquiñiuguetaxaqui yi pe.

2 Pedro 2:13

'Xoic ma'le ca le'xoric, ma' ỹahotaque da le'xoric na liỹaripi. 'Neetapega ỹa'maqachiguiñi quiyim queetalec da lamaanaxanqachic, qam se ladoguec. Ỹaatqajam nayiloxo lahi' ma' chalego da laỹaac quena' ỹalequetauguilo qamiri quena' lapoiỹata'. Raỹaacotalec da layinaxanaxac caqamiri.

2 Pedro 2:19

Na'maxare ỹachaxantac dá'maq chaalataxac sqaicanqaida. Qam na'maxare, ca' na'ac quená'maq 'ueenataxac se no'uen, ma' ca qom na'ac quecá'maq ỹapacqajnauec que'uegue.

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.

Apocalipsis 18:24

Ma' quiyijo na'a' lodegaxat qaiuanalo naua leuo' ná'maq ỹa'xateta'pe naua la'qaatqa ñi qota'a, chaqai ná'maq lalamaxareteripi ñi'maxare, chaqai ná'ogue ná'maq qaỹalauat quena 'laua.