Lucas 12:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca' so qara'gaxala' 'naaco': —¿Ca nega'ỹo' ca 'nejem ca nelaatec qamaxaraic chaqai 'deenaxanqachaqaic quecá'maq ca na'co' pataxalec cá'ogue ca louenec queca la'a' quiyim qui'ỹaxanataxan ma' ỹovirelec ca laloqo'?

Lucas 12:42 Iomraidhean Croise

Proverbios 31:15

Quena' saqa' richiguiñi, ca' ne'laxashiguim, ca' ỹa'ue na loq na llaalqaipi chaqai ana lelaatallipi.

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Ezequiel 34:3

Qamiri ni'chiitapiguilo naua lo'i', chaqai 'viichitac na qatooỹaguii quena laue, chaqai lauachii aná'maq paguec 'uegaxasaxa, qam se quelolliỹa aná'maq qagreta.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 20:8

Ca co'na' mashic pe, ca' so a'co' 'naapega só'maq reloqota'a dajo no'ueenataxanaxac, 'naaco': “Ỹaxañire'oga da no'ueenataxanaripi, ca' shivichiñi'. 'Auaxanchiriño' quiyim shivichiñi' dá'maq co'uaataxantam ro'ueenataxan, ca' ỹovireta'oga nqai'ñi' dá'maq 'avichiguiñi ro'ueenataxan.”

Lucas 12:43

Chalego la'maxa quecajo nelaatec quecá'maq quiyim novi' ca na'co', ca natenejlec ỹo'ueetetac ca nelaataxaset.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

1 Timoteo 5:17

Ná'maq na'gaxalateripi quiyim ỹa'den da lcochaxac quená'maq mashic icoñiguit da na'qaatec, ca'maxare ỹaatqajam qaỹauotegue chaqai qaỹotauan, pagueco' no'm quelec quiyim ỹa'xate' naua la'qaatqa ñi qota'a chaqai rapaxaguinataxanguelo.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

Hebreos 13:7

Se couahi'e ná'maq ra'gaxalaripi ná'maq shi'gue ỹa'xatema qamiri da la'qaatec ñi qota'a; 'yiiñitapega dá'maq chicqochigui da nachaalataxac chaqai denaxachiichigui dá'maq 'neeta da lpi'ỹaxac.

Hebreos 3:5

Ca' chaqaida 'neeta so Moisés ỹaatqajam ỹaqamqata quená'ogue ná'maq ỹo'uet quiyi la'a' ñi qota'a; dá'maq lo'ueenatec qaidaata quiyim ỹa'xatetac dá'maq ỹa'xat ñi qota'a ma'le.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.