Lucas 12:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qamiri ỹaqaỹarolqa, shiñiỹapegaxaua' totaxan ro'chiỹa cá'maq ishit quiyim ỹalauat ca qom, ca' ime quiyim ỹalauat, ca se ishit quiyim 'ue ca liỹa 'ne'tegue.

Lucas 12:4 Iomraidhean Croise

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 41:8

Ñaq na'xaỹaxañi', qami' lalamaxaret so Jacob só'maq na'aamatec da Israel, qami' ilaatec, ỹaatqajam qami' ica'acsec, qamiri llaalqaipi so ñauochaxaua Abraham:

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Ezequiel 2:6

Qami' ỹale, totaxan ro'chita yi'maxare chaqai cá'maq 'naac caqami', 'eno'm 'ec vi'sañigui ca leesat loqo'm 'ec vi'sañigui ca pa'lotoxoiquipi. Totaxan ro'chita cá'maq 'naac yi'maxare caqami' chaqai quiyim na'axachigui na lashic, 'eno'm chalego re'qoota da lauel caqami', qam se ro'daxachirec.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Juan 15:13

Dá'maq paguec lecaic ne'xorenataxanaxa quiyim hueeto'ot ca qom 'neetasa': quiyim ca qom ishit ỹaanec da nachaalataxac queca nauochaxaua.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Filipenses 1:28

qaiyi se rqo'ỹoqochichii ná'maq pa'guenta'pe qamiri. Ca' dajo, ca' ỹaatqajam re'qoota quiyim na'maxare tai'a quiyim na'laañi, qam qai'neeta ichoxot dá'maq rca'laxahi. Qam dajo chicqo'ot ñi qota'a.

Santiago 2:23

Ca vichiguiño' ipaquichiguilo naua nerecse' na'qaatqa, ma' 'nerac: “So Abraham 'uo' da lpi'ỹaxac quiñi qota'a, ca quedajo lpi'ỹaxac, ca' ñi qota'a ỹa'maxarenta, ca' 'naac quiyim lo'yaxanec ỹale.” Ca' so Abraham qaỹamata'gue quiyim nauochaxaua ñi qota'a.

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.