Lucas 12:33 - La'qaatqa ñi qota'olec Qota'olec & Qota'olec Novita Na Qomyipi

³³ Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 12:33 Iomraidhean Croise

Hageo 1:6

Qamiri 'xoic ná'maq qadañicshiquii, qam sqa lo ná'maq naqachii ala na'maxare; qui'iitac, qam se rquemari; ni'chiitac, qam se neme na raquipii; ñiiñi naua pa'iichiguilo qatoohi, qam se npa'eeuec na roshicmaxahi; chaqai ná'maq ro'ueenataxanaxaguii laseue' lliỹa'ñigui ana qachoxoguii huacnaxa.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Lucas 12:21

Ca' chaqaida da 'neeta ca qom quiyim chi lapoonñi ca lesallaxa, qam 'xoratam quiñi qota'olec.

Lucas 16:9

Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Hechos 2:45

'Uo' na imen na la'a' chaqai na louenqaipi, ca nasectaqchigui aca laseuete quecá'maq taachi'ñi ca louenaxanaxa ca 'óna.

2 Corintios 8:2

Ca ỹaatqajam 'ue da lqalaic, ma' 'xoic da ne'guenaxac, qam qaiyiita ỹa'maqatajlec. Ca 'eno'm 'xoratem', qam ỹaatqajam rachitaxanataxan, 'nejem ca nesallaxanqaipi.