Lucas 12:31 - La'qaatqa ñi qota'olec Qota'olec & Qota'olec Novita Na Qomyipi

³¹ Qam qamiri ỹaatqajam na'xaỹaxañiỹa da lo'ueenataxanaxac ñi qota'a quiyim mashic ỹoiquentac ná'ogue najo, ca' qai'neeta coñiguit ma'le naua'que nauajo.

Lucas 12:31 Iomraidhean Croise

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Lucas 10:42

Qalaxam 'oonoqui' dá'maq ỹapacauec quiyim qaỹouen. Añi María ỹaatqajam paguec loyac dá'maq nca'atau'a, ca da'maxare qaica ca ishit rouootaxana'gue.

Lucas 12:30

Ma' na qomyipi hueetalec ana 'laua chaqainaua nauá'maq coỹaretecto naua'que nauataxare'. Qam qamiri 'ue ñi qata'ahi quiyim shi'gue ỹa'den quiyim qamiri viñitapigui naua'que nauajo.

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”