Lucas 12:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ma' no'm ñi qota'olec ỹa'ue na no'ueetaxat ana peue quiyim nagui hueetalec na no'ueenaxa, ca nete'e, ca qaỹavigaxat qainaxaugui ca nqatelaxanaxaqui, ¡huose'quet se ỹa'ue ca no'ueetaxachii, qamiri cocho'qui' ca rpi'ỹaxaguii!

Lucas 12:28 Iomraidhean Croise

Isaías 40:6

Ca' 'ue so sa'xaỹaque 'naac: Raualqai', ca' ỹim senataxan: ¿Negue' quet cá'maq shinta'gue ca ỹaualaxac? Ca 'naac: Quiyim ná'ogue na qomyipi 'ec ana peue, ¡se ra'ñiiñi 'ec aca lenoỹaxai quena no'ueenaxa!

Mateo 14:31

Ca' so Jesús chaqa'ma' icoñiguit da lqai'laxat. Ca 'naapego': —¡Ỹaatqajam cocho'qui' da rpi'ỹaxaqui'! ¿Chi'neco' ma' sham qollictaxañi'?

Mateo 16:8

Ca' so Jesús retan, ca 'naaco' quesaua'maxare: —¿Chi'negue ma' 'ñiỹac quiyim qaica ca pan caqamiri? ¡Ỹaatqajam cocho'qui' da rpi'ỹaxaguii qamiri!

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Lucas 8:25

Ime, ca 'naapegalo saua lapaxaguinatqa, 'naaco': —¿Chi negue' ca 'neeto' ca rpi'ỹaxaguii? Qam saua'maxare ỹaatqajam no'chi', chaqai ỹaatqajam 'ue da le'laqa'. Ca chi nenatetecta', 'nerac: —¿Nega'ỹo' dá'maq dajo ỹale? ma' quena' ila' na nonot chaqai na huaxaỹaq, ca chaqa'ma' na'xaỹaxan.

Hebreos 6:7

Ca' na'maxare 'neetari' na 'laua quiyim ni'chigui na ỹaxat quena' taalec. Ca no'm cajo 'laua lo'yaxanec ca laỹaxac ana la ca nanecsec quecá'maq ro'ueenataxanteguelec, ca' cajo 'laua icoñiguit da lqouagaxa ñi qota'a.

1 Pedro 1:24

Ma' daua naneresañi na'qaatqa 'neracsa': Ná'ogue na ỹoreta'oguit qomyipi 'nejem ana peue, chaqai da lemaqachic 'nejem aca peue lenoỹaxai. Aca peue ỹaso, chaqai najñi aca lenoỹaxai,