Lucas 12:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ime, ca' ñanecalta': Qami' ñachaalataxac, nagui mashic 'xoic na rovinqui' lapootañi, nalauguilo caua 'xoic ñaxaripi. Nagui, ca' nco'machirec, qui'i', ni'chi', chaqai netooñi'sac.”

Lucas 12:19 Iomraidhean Croise

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Proverbios 23:5

No'm ỹaatqajam 'ajñite', ca' huañita quiyim qaica ca nesallaxa; ca' chita'gue, ca eec ỹoota 'ec na chirálo, 'ec ñaxaterec caua laua'.

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 2:24

Dá'maq paguec loyac quiyim ỹo'uet ca qom 'neetasa': que'e chaqai ne'et, chaqai ỹouen cá'maq laseue' da lo'ueenataxanaxac, ma' sanata quiyim dajo qai'neeta chicqo'ot ñi qota'olec.

Isaías 5:11

¡'Xoraiqolqa qamiri, quena' o'taxañitañi quiyim rquiñiuguichii, ca' quiyi na'xa'alom ỹovireta'guit yi pe hueetaguilo qamiri da loxonaxanaxac na lataxa!

Isaías 5:8

¡'Xoraiqolqa qamiri, ma' se neme shiujnaxañitaque naua ra'aachiri, chaqai 'xoic na na'lauahi, vire'ta ma' qaica ca na'ñi na liỹa qom, ca 'ec qaqamita nqai'ñii ñiitalec na 'laua!

Lucas 12:18

Ca' ra'deenataxantac, ca 'naaco': “Ca' nagui sa'den dá'maq shine'tegue. Ỹim nagui samaxañi ñí'maq 'auaxaic ỹapoonaxanaxaqui cana la na ỹanecsec, qaiyi so'uet ca liỹa paguec lecaic nqaishin. Ca ma' ime, ca sellaugui ná'ogue ana la na ỹanecsec ma' ñaqat, qai'neeta ná'ogue ná'maq liỹa hueetaỹot.

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

1 Corintios 15:32

Ỹim shiquiaxam ỹaatqajam seloguiỹa'e' na iseripi na'le quiyi Efeso; qam ¿nega'ỹo' ca ỹaueguec quedajo? No'm llic quiyim tot nca'leuec nqohin ná'maq mashic ileu, ca' ỹaatqajam 'chiñi quiyim llic da na'qaatec 'neetasa': “Squi'ỹaq, chaqai ñi'taq, ma' ma' nete'e, ca qareleu.”

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

1 Timoteo 5:6

Qam aca pa'ỹe quelec quiyim se netelalta', 'nesa ma' ñaq nca'leetauec, qam mashic 'eco' shi'gue ileu.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

2 Timoteo 3:4

Chaqai 'laqataxanaxai, chaqai se illivigui lauel, chaqai ỹaatqajam 'xoic napacqajnaxac, queeta'pegue' dá'maq chaqai 'neetari', ca' sqai queeta'pegue' ñi qota'a.

Santiago 5:5

Nagui quiyim ñaq co'viitalecna, ca' ỹaatqajam nañaañiguit ná'maq 'xoic lemaqachic chaqai na nqo'itaxanqachic. Nochaxarachichitac, 'ñiitari' aca nalauata huaca, qam nagui mashic ỹovita yi na'xa'a nalauataxaqui.

1 Pedro 4:3

Ca mashic nalootañi dá'maq shi'gue 'viichitac quesaua 'auaxaqa ñaxari dá'maq nqo'ta ỹo'uet ná'maq se iuanapega ñi qota'a. Ca' quesaua 'auaxaqa na'xata', ca' qamiri quiita'pegue' da namaanaxanqachic, quenanchaqaina quená'maq se no'uen, 'taxac, chaqai na nemaqachic 'xoic na naỹaac, sqa laỹa'gue da ne'taxaguii, chaqai nqouagaxaiñitacot na nqolac ná'maq se qaỹa'maxaren.

Apocalipsis 18:7

'Viichii ca nqa'viic chaqai ca le'xoric, chaqai 'nejem dá'maq 'neeta añi'maxare na' nañaañiguit da maqajnaxac chaqai da lishoxo. Ma' añi'maxare 'naac añi le'taxanata: “Quena senta'ñi ñqa'xantañi, aỹim nashi. Sqaỹim pa'ỹe, chaqai qaica ca i'xoric ma'le.”