Lucas 12:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' ra'deenataxantac, ca 'naaco': “Ca' nagui sa'den dá'maq shine'tegue. Ỹim nagui samaxañi ñí'maq 'auaxaic ỹapoonaxanaxaqui cana la na ỹanecsec, qaiyi so'uet ca liỹa paguec lecaic nqaishin. Ca ma' ime, ca sellaugui ná'ogue ana la na ỹanecsec ma' ñaqat, qai'neeta ná'ogue ná'maq liỹa hueetaỹot.

Lucas 12:18 Iomraidhean Croise

Mateo 6:26

Ñaqa 'ajñii na ỹoripi ỹootegueri' quena pa'aashiguim; na'maxare sqai danaxan, chaqai sqai raqataxan, chaqai sqaica ca lo'xac la'maqataxanaxaqui queca lanecsec ala. Qam qaiyiita ñi qota'a ñí'maq viilec neeta'gue da piguim qaiyiita qui'ỹaxan. Ca ¡huose'quet caqamiri ma' paguiỹauec caca qo'oole!

Lucas 12:17

Ca' so nesallaxanec ra'deenataxantac, 'naaco': “¿Nega'ỹo' ca shi'ntegue nagui? Ma' ỹim qaica ca sella'gue quiyim sa'maxat ma' ñaqat ana la na ỹanecsec.”

Lucas 12:19

Ime, ca' ñanecalta': Qami' ñachaalataxac, nagui mashic 'xoic na rovinqui' lapootañi, nalauguilo caua 'xoic ñaxaripi. Nagui, ca' nco'machirec, qui'i', ni'chi', chaqai netooñi'sac.”

Lucas 12:21

Ca' chaqaida da 'neeta ca qom quiyim chi lapoonñi ca lesallaxa, qam 'xoratam quiñi qota'olec.

Lucas 12:24

'Ajñii na ratecsan, ma' ná sqai danaxan, chaqai se raqataxan, chaqai sqaica ca lapoonaxanaxaqui, chaqai qaica ca lo'xac. Qam ñi qota'olec qui'ỹaxantac na'maxare. ¡Qam qamiri ỹapacauec ca rashivichaxaguii, sqai 'ñiita ana qo'oollipi!

Lucas 18:4

Qam sojo ỹale ỹaatqajam 'vio' saua na'xata' quiyim se na'xaỹaxana aso'maxare. Qam co'na' shi'gom, ca so'maxare ra'deenataxantaco', ca 'naaco': “Aỹim 'eno' sqaica ca sauaaque ñi qota'a chaqai ná'ogue na qomyipi.

Lucas 18:6

Ca' so qara'gaxala' 'naaco': —Ca' 'eda da 'naaco' na'le so nocqaic nimiitaxanaq quena nasauaxaset.

Santiago 3:15

Ma' dajo mesqaida dá'maq na'deenaxanaxa chicqo'ot ñi qota'a, ta'ta'a quiyim na'deenaxanaxa huelec na 'laua, chaqai chi la'deenataxanaxac ca qom, chaqai chaqaiso so na'ỹaapec chicqo'ot.

Santiago 4:13

Ca' nagui na'xaỹaxañiỹa da shinac, ma' qamiri quen ná'maq 'ñiỹac: “Nagui loqo'm nete'e saxaquerajo qolaqpegue' yi na'a' loqo'm yi liỹa. Ca ma' sovitaxa, ca senqa'ño'yi 'óna ñaaxa, sahoqe ca qaremeenec, qaiyi 'ue aca qarauegue.”

Santiago 4:15

Dá'maq 'ñiỹaiquet 'ñii'teguesa': “No'm chaqaida ỹa'maxarenta ñi qara'gaxala', no'm ñaq qarca'leetauec, ca so'ueetqo' dajo loqo'm da liỹa.”