Lucas 12:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so nesallaxanec ra'deenataxantac, 'naaco': “¿Nega'ỹo' ca shi'ntegue nagui? Ma' ỹim qaica ca sella'gue quiyim sa'maxat ma' ñaqat ana la na ỹanecsec.”

Lucas 12:17 Iomraidhean Croise

Isaías 58:7

quiyim nouañise'e' ca qopaaxaic queca qanoqe' chaqai quiyim na'ñi ca ra'aachi' ca qaica ca lauo'; chaqai quiyim vite ca looỹac cá'maq sham neetauec chaqai quiyim rqouaquitegue cá'maq riỹa'e'.

Mateo 16:7

Ca' saua lapaxaguinatqa retaxaỹata', 'neraco': —Dajo 'naac, ma' sqaica ca ñi'xataq pan.

Mateo 5:42

Chaqai canchaqaica rashiila'e', ca' 'viichi' ca rashiilaxantaque. Chaqai sqai lli'rapeguem cá'maq 'ue ca ra'ualaxana caqami'.

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Lucas 12:16

Ca' quiyi, ca ỹa'uo' so raloqojnaxana, 'naaco': —'Uo' so ỹale ỹaatqajam nesallaxanec. Ca so ro'ueenataxanteguelec 'laua ỹaatqajam 'xoic ana la so lanecsec co'na' naqat.

Lucas 12:18

Ca' ra'deenataxantac, ca 'naaco': “Ca' nagui sa'den dá'maq shine'tegue. Ỹim nagui samaxañi ñí'maq 'auaxaic ỹapoonaxanaxaqui cana la na ỹanecsec, qaiyi so'uet ca liỹa paguec lecaic nqaishin. Ca ma' ime, ca sellaugui ná'ogue ana la na ỹanecsec ma' ñaqat, qai'neeta ná'ogue ná'maq liỹa hueetaỹot.

Lucas 12:22

Co'na' ime, ca' so Jesús 'naapegalo saua lapaxaguinatqa, 'naaco': —Nagui shinapegalo qamiri: Se ishit quiyim chigohita 'yiiñitaque ca qanoxohi chaqai ca qatooỹaguii quiyim ñiiñi.

Lucas 12:29

Ca' vichiguiño' mesqai 'xoic ca rachitachiguii, quiyim daañitaque ca qanoxohi chaqai queca ni'chiigui.

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 16:3

Ca' sojo neloxoỹaq queso na'a' ra'deenataxantac, 'naaco': “¿Negue' ca shinto' nagui, ma' ñi ña'co' tot ỹa'ue ca ỹo'ueenatec? Ma' ỹim qaica ca iquesaxanaxa quiyim so'ueenataxan quena 'laua. Chaqai 'xoic da ipocoxo quiyim saỹaata da ỹashiilaxanaxac.

Lucas 16:9

Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 19:17

Ca' so nashi 'naaco': “Ajá'a, maq no'uen, ỹa'maqachiguiñi, ỹaatqajam qami' no'uen nelaatec. Ma' qami' na'maxachite' quecá'maq sqa lo, ca' nagui qami' sanagui quiyim qami' nashi, reloxoiqachicshiqui' ca diez na'aateripi.”

Lucas 3:11

Ca' so Juan 'naaco': —No'm 'ue ca dos caua nelamaxaqui', ca ỹaanem ca 'oonoqui' cá'maq sqaica ca nelamaxaqui. Chaqai cá'maq 'ue ca loq, ca' ỹachit ca sqaica ca loq.

Hechos 16:30

Ime, ca' ỹaueguere'oguiyi, ca inate': —Qamiri ỹaqaỹa', ¿negue' ca shinta'co' quiyim sahotaque yca'leuec?

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

1 Juan 3:16

Sa'deenaq dá'maq 'neeta da ne'xorenataxanaxa quiyim so Jesucristo ỹaanec da nachaalataxac na' ileualgoto qomi'. Ca' qomi' quet qai'neeta saanaxauec quet da qanachaalataxac queca qarqaỹa.