Lucas 12:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' quiyi, ca ỹa'uo' so raloqojnaxana, 'naaco': —'Uo' so ỹale ỹaatqajam nesallaxanec. Ca so ro'ueenataxanteguelec 'laua ỹaatqajam 'xoic ana la so lanecsec co'na' naqat.

Lucas 12:16 Iomraidhean Croise

Salmos 73:12

¡Ñaqai 'ajñii na hualoxonyipi! 'Maaxaic, qam nqo'neetashiguim da lesallaxa.

Salmos 73:3

Ma' 'ue da ipa'guenaxanaxa quiyim noquiiquetashiguim na nemaqajnaxairipi chaqai na hualoxonyipi.

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Oseas 2:8

Qam añi'maxare qaica ma' ỹa'deena'a quet quiyim ỹim ná'maq saantapeguem na'le na trigo, na aceite, chaqai na lataxa; chaqai ỹim ná'maq ñqo'naxatetashiguim da lesallaxa quena plata chaqai na 'oro ná'maq ro'ueenataxana quena lashiilqaipi.

Mateo 13:8

Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Lucas 12:15

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 12:17

Ca' so nesallaxanec ra'deenataxantac, 'naaco': “¿Nega'ỹo' ca shi'ntegue nagui? Ma' ỹim qaica ca sella'gue quiyim sa'maxat ma' ñaqat ana la na ỹanecsec.”

Hechos 14:17

Qam ñaqaiyiita da nachaxanaxac ñi'maxare, quedá'maq no'uen lo'ueenataxanaxac, quena' ỹa'ue na ỹaxat, chaqai lo'yaxanec nqai'en na laỹaxac na nanecsec, chaqai sqoue nqai'en ca qonoq, ca' qomi' ñitoonqatac.