Lucas 12:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 12:15 Iomraidhean Croise

Job 2:4

Qam so na'ỹaapec 'naaco' quiñi qara'gaxala': —No'm ca 'óna saqa' qaiqueuocau'a na loshicmaxa, ca' ỹaqamqata quená'ogue. Ca qom qaica ca itena'a quená'ogue, ma' ỹahotaque nca'laxatec da chi nachaalataxac.

Miqueas 2:2

Quena' 'ue yi nqo'teu'a 'laua, ca rouootaxana'gue; chaqai quena' 'ue na nqo'teu'a 'imec, ca' rocacha. Pataxañi na qomyipi, chaqai na llaalqaipi chaqai na lalamaxaret louenqaipi.

Marcos 7:22

chaqai na nocataxac, ipiteta'a ca ỹoqa'a, chaqai na se no'uen, na'maachic, qaỹaataq ca nisha'a, da npa'guenaxanaxa, ỹa'xat cá'maq sqai llic, maqajnaxac, chaqai se raỹajnataxan.

Lucas 12:16

Ca' quiyi, ca ỹa'uo' so raloqojnaxana, 'naaco': —'Uo' so ỹale ỹaatqajam nesallaxanec. Ca so ro'ueenataxanteguelec 'laua ỹaatqajam 'xoic ana la so lanecsec co'na' naqat.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

2 Timoteo 3:2

Ma' da no'ueenataxac na qomyipi 'neetasa': chi nauotalta', chaqai queeta'pegue' da lamaanaxanaxa cana plata, nemaqajnaxai, napacqajnaxai, se no'uen na ỹa'xat quiñi qota'a, se na'xaỹaxana na leta'allipi, qaica ca ỹauaaque ca nqouagaxa, chaqai qaica ca ỹauaaque da na'qaatec.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.