Lucas 11:9 - La'qaatqa ñi qota'olec Qota'olec & Qota'olec Novita Na Qomyipi

⁹ Vichiguiño' ỹim nagui shinapegalo qamiri: Shiilaxañii, ca' ñi qota'olec ỹaanema qamiri ca viñitaque; miitaxañii, qaiyi nachiỹa ca michitaque; ca ỹotogoxou'a ca lasom, ca' qaỹauate'oga.

Lucas 11:9 Iomraidhean Croise

Salmos 118:5

Na' yiuocqotac, ca' soỹaxanot ñi qara'gaxala'; ca ñi'maxare na'xaỹaxañiua', ca nañaañim da iuagaxa.

Salmos 27:4

'Oonoqui' cá'maq sashiilaxantaque quiñi qara'gaxala', qaicaata yishiitaque: Quiyim seuetaugui añi no'ueenaxanaxaqui quiñi qara'gaxala' quenaua'que naua na'xata' quiyim yca'leetauec, qaiyi ñqouagaxaintacot seuetaugui añi no'ueenaxanaxaqui chaqai sa'ajantac da loyac.

Salmos 27:8

Añi i'taxanata 'naac caỹim: Daañiraque quiyim huañita ñi qara'gaxala'. Ca' ỹim sahotaque quiyim seuañiraxaua', qami' ỹa'gaxala'.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Jeremías 29:12

Ca ma'le, ca' qamiri ỹaxañiỹot aỹim, ca nqouagaxaiñiỹot aỹim ma'le, ca' ỹim ña'xaỹaxanalo qamiri.

Mateo 21:22

Chaqai cá'ogue cá'maq shiilaxañiỹaque quiyim nqouagaxaiñii, no'm viilec, ca' coñiguit.

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 6:29

Ca' shinapegalo qamiri quiyim vire'ta so nashi Salomón quená'ogue ná'maq chalego loyac no'ueetaxat, qam se nalo'guit da no'ueetaxac nqohin ana'maxare.

Marcos 11:24

Vichiguiño' shinac caqamiri quecá'ogue cá'maq shiilaxañiỹaque quiyim nqouagaxaiñii, no'm viilec quiyim shi'gue coñiguit, ca' chaqaida 'neeta.

Marcos 13:37

Dá'maq shinac caqamiri, shinapega ná'ogue: Quiyim nelohitauec.

Lucas 11:10

Ma' ca rashiilaxan, icoñiguit ca rashiilaxantaque. Chaqai ca remiitaxan, ca' ỹanata ca imitetaque. Chaqai ca ỹotogoxouo ca lasom, ca qaỹauate'oga.

Juan 14:13

Chaqai cá'ogue cá'maq shiilaxañiỹaque qamiri quiyim quiichigui nqai'ñii da ỹeenaxat, ca ỹim so'uet, qaiyi najo ñaalec ichoxot da lquesaxanaxa ñi leta'a.

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

2 Corintios 6:2

Ma' ñi'maxare quenaua la'qaatqa naneresañi 'naac: So na'xa'a viichigui da ỹoqouagaxa, ña'xaỹaxane'ta qami'; chaqai so na'xa'a hueetougui da nca'laxa, ca sotauan qami'. Ca' nagui viichigui dá'maq dajo lqouagaxa ñi qota'a, chaqai chaqaina najo na'xa'a hueetougui da nca'laxa.

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

Santiago 5:15

Ca no'm ỹaatqajam 'ue da lpi'ỹaxac ma' nqouagaxain, ca' da nqouagaxainaxac ỹomatec ca ralolaxaic, ca' ñi qara'gaxala' nachaalataxanñi. Chaqai no'm 'ue ca lasauaxaset ca'maxare, ca' qaỹapalaxat.

1 Juan 3:22

Ca ñi'maxare ỹaanema qomi' cá'ogue cá'maq sashiilaxanqaque, ma' ña'xaỹaxanqa'talo naua laqataxaco, chaqai so'ueetqatac ná'maq ỹa'maxarenta.

Apocalipsis 2:24

Qam ná'maq liỹaripi neeta'ñi na Tiatira caqamiri quená'maq sqai que'uegue najo napaxaguinataxanaxaquipi chaqai se ỹa'den ná'maq qohinac se re'xogui lo'ueenataxanaxac so na'ỹaapec, ca' ỹim shinac caqamiri quiyim qaica quet cá'maq liỹa senaxalgoto qamiri.