Lucas 11:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Ca' chicqochi'ñi nqai'en co'na' qaỹalauat so Abel, ca chi ỹovireta'a ca nalauataxac so Zacarías, na' qaỹalauat huaugui añi no'ueenaxanaxaqui late'ogue' yí'maq na'ñi aso ncopatoxonaxalate. Ca' vichiguiño' shiñiỹapegaxaua' quiyim ñi qota'olec ro'laxana'pegue' ma'le da lelauaxa so qomyipi quenajo qomyipi hueetaugui nagui.

Lucas 11:51 Iomraidhean Croise

Génesis 4:2

Ime, ca' lotqai 'ue so liỹa llaalec leenaxat Abel, lqaỹa so Caín. So Abel ỹalamqajlec quiyim neloxoỹaq cana qagreta, chaqai so Caín ỹalamqajlec da lo'ueenataxanaxac danaxantac, ỹanteguelec na 'laua.

Mateo 23:35

Ca' taalgoto ma'le qamiri dá'ogue da nasauaxaset queda nalauataxac sá'ogue so huagaxaraic qomyipi shi'gue qaỹalauat, chicqochi'ñi queso huagaxaraic ỹale leenaxat Abel, chi ỹovireta'a so Zacarías, llaalec so Berequías, só'maq co'na' lauachii huaañiguilo nqai'ñii da ncopatoxonaxalate naloote'oga yi napooqo'.

Hebreos 11:4

Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.