Lucas 11:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ Ca 'uo' so retaqa quesaua napaxaguinataxana' quena naqataxaquipi, 'naaco': —Qami' napaxaguinataxanaq, ca' quedajo 'xachi' qai'neeta ỹovira'ogalo qomi' quiyim qomi' qarayilqochichi'.

Lucas 11:45 Iomraidhean Croise

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Jeremías 20:8

Quena' setaqa, lotqai sa'xat da nqa'viic chaqai da nalauataxanaxac; ca' se name quiyim qoyiquetapiguiỹa' chaqai qayi'neetac, ma' sa'xateta'pe naua ra'qaataxahi'.

Mateo 22:35

Ca 'uo' so 'óna napaxaguinataxanaq quena naqataxaquipi ỹalequetaho, ỹahotaque i'guen so Jesús. Ca' inat, 'naaco':

Lucas 11:46

Qam so Jesús 'naaco': —¡Ỹaatqajam 'xoraiqolqa qamiri qai'neeta, ma' paxaguinataxañita'pegue na naqataxaquipi! Ma' ỹoxoilec ca liỹa quiyim i'xat cana' tot qaica ishit i'xat, qam qamiri sqo taanaxañiỹau'a da nesallaxa cada 'oono'lli' rpalaaqachii.

Lucas 11:52

¡Ca' vichiguiño' 'xoraiqolqa qamiri napaxaguinataxana' quena naqataxaquipi! Ma' qamiri npa'xañilec aso lauaatqate ñi lasom da na'deenaxanaxa, qam sqai noxoñiho qamiri chaqai sqa shiñiho quiyim inoxono ná'maq ỹahotaque inoxono.

Lucas 7:30

Qam ná'maq fariseoipi, chaqai ná'maq rapaxaguinataxanta'pegue na naqataxaquipi ná'maq se qanachilaxan queso Juan, se nqo'ta dá'maq sham ỹo'uet ñi qota'olec quesaua'maxare.

Juan 7:48

¿Loqo'm 'ue ca mashic huelec so'maxare quena qarashillipi, loqo'm quena fariseoipi?

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Juan 9:40

Qam 'vio' saua fariseo ỹalequesaho, ca co'na' 'qaachirigui dajo. Ca renataxan'o', 'neraco': —¿Ca' qomi'o' qai'neeta qomi' qai'la'?