Lucas 11:42 - La'qaatqa ñi qota'olec Qota'olec & Qota'olec Novita Na Qomyipi

⁴² ¡Ỹaatqajam 'xoraiqolqa qamiri fariseo! Ma' qamiri 'ỹaañiỹot ñi qota'olec aca 'oono'lli' laue cana diez quena nalequetenaxanaxat ỹo'uet quiyim lo'daxaraic na lahita na neuolec chaqai ná'ogue ana liỹa nalequetenaxanqate. Qam se na'xaỹaxañii queca nalamqataxaguii chaqai da re'xorenataxanaxahi quiñi qota'olec. Ca' chaqaida 'viichii quet, qam se couahi'e quiyim 'viichii da liỹaripi.

Lucas 11:42 Iomraidhean Croise

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Malaquías 2:17

Ñi qara'gaxala' mashic nco'teuec quiyim 'qaatapegalo qamiri; qam qamiri qaiyiita nataxañitac: ¿Nega'ỹo' cá'maq shinqac quiyim nco'te'guesopa quiyim 'qaatapegalo qomi'? Ma' qamiri 'ñiỹac ñi qara'gaxala' nqo'ta ná'maq ỹo'ueetetac na se no'uen, chaqai netoonta'guelo naua'maxare. ¡Qamiri 'ñiitapega quiyim ñi qota'olec mesqai hueeta'ñi yi ỹa'maqachiguiñi!

Malaquías 3:8

Ca' ỹim senataxan: ¿Ca qom ishito' quiyim ỹachiguiñi ñi qota'olec? ¡Ma' qamiri yachiitegueñi! Qam qaiyiita nataxañitac: ¿Negue' cá'maq 'neeto' quiyim sachoqotegueñi qami'? Qam ¡qamiri yachiitegueñi cañi qanasectaxatec quiyaua diez chaqai cañi rachitaxanataxanqachii!

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Mateo 23:23

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri 'ỹaañim ñi qota'olec ana 'oono'lli' laue ca diez cana nalequetenaxanqate leenaxat menta, chaqai ana anís, chaqai ana comino, qam se na'xaỹaxañiỹalo nauá'maq ỹapaquerauec nelaataxanaxaco quena naqataxaquipi: da 'maqataxac, chaqai da ne'xorenataxanaxa, chaqai da npi'ỹaxac. Ca' chaqaida dá'maq 'viichii quet, qam sqai 'xañiñi quiyim 'viichitac ná'maq liỹa.

Mateo 23:27

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qam 'ec qamiri napal lahi' na'meenecse, ca 'ec lo'yaxana quená'maq pa'aauec, qam quena pa'aauo, ca no'qaachigui quena leuaxaic lpi'nec chaqai ná'ogue nanchaqaina napio'xo.

Lucas 18:12

Ỹim dos pilac quiyim ñqopaaqachilta' quiyaua siete na'xata', chaqai ỹim soỹoote'oga añi 'óna quiyaua diez quená'ogue caná'maq ỹauegue, ca' saanot qami'.”

Juan 5:42

Chaqai aỹim sa'deente' qamiri, chaqai sa'den quiyim sqai 'xoriñii ñi qota'olec.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.