Lucas 11:4 - La'qaatqa ñi qota'olec Qota'olec & Qota'olec Novita Na Qomyipi

⁴ Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 11:4 Iomraidhean Croise

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Salmos 121:7

Ñi qara'gaxala' ro'ootaxanteguelec qami' quenaua'que nauá'maq 'ue da lichigue'; ñi'maxare cochiitapega da nachaalataxaqui'.

Mateo 18:35

Ca' so Jesús co'na' ỹomat da la'qaatec, ca 'naaco': —Ñi ita'a qota'olec neeta'gue da piguim chaqaida 'ne'tegue ma'le caqamiri, no'm quiñi 'óna se ỹachigoxochichigui añi le'taxanata quiyim i'xoren ca lqaỹa.

Mateo 26:41

Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Lucas 11:5

So Jesús qai'neeta 'naaco': —Saloqojnaxanaxagui quiyim 'ue ca 'óna caqamiri 'ue ca namígo. Ca' quiyim pe lauel, ca qoyicpegue' ca la'a', ca 'naac: “Ñamígo, vite ỹa'ualqa tres paañi'.

Lucas 13:4

Loqo'm 'ñiitapega quesaua dieciocho qaipataqarañi co'na' 'guiñi aso naue na'ñi yi Siloé, ¿peeta'a 'ñiitapega paguec sauaqhuaiquipi quená'ogue na neeta'ñi yi Jerusalén?

Lucas 22:46

Ca 'naapegalo' saua'maxare: —¿Chi'negue ma' laxaita? Ne'laxachishiguim, ca' nqouagaxaiñii, qaiyi se ỹovira'alo qamiri ca ne'guenaxaguii.

Lucas 8:13

Ca' só'maq nanecse tajlec yi 'laua 'xoic na lalegue' qa', ca 'nejem ca qom quiyim na'xaỹaxantapega da na'qaatec, ca' 'ue da netoonaxac. Qam sqai 'chi'iñi caua lpa'yii da na'qaatec. Cocho'qui' huelec, qam quena' ỹovita ca ne'guenaxac, ca rashiiuec.

Juan 17:15

Se sashiilaxanta'que quiyim naqachi' quena 'laua, ta'ta'a quiyim quepaqataxañirelgoto queso na'ỹaapec.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.

2 Tesalonicenses 3:3

Qam so qara'gaxala', ma' se napacalec da la'qaatec, ỹaatqajam nolliichiriñi qamiri, chaqai ro'ootaxanlgoto qamiri quena se no'uen.

2 Timoteo 4:18

Chaqai quepaqataxanlec aỹim quená'ogue ná'maq se no'uen, chaqai ỹoxojñi aỹim, qaiyi sovirau'a ca lo'ueenataxanaxac hueeto'ot na piguim. Ma' so'maxare hueeto'ot dá'maq qaremaqajnataxanaxac qaica lqodoc. Ajá'a, ca' chaqaida 'neeta dajo.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.