Lucas 11:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Qam so qara'gaxala' 'naaco': —Qamiri fariseoipi, 'auaxañii co'taxachii na pa'aauec cana ne'taxaguii chaqai ca peguet rqui'ỹaxaguii, qam na pa'aauo quena re'taxanatallii ra'ñichigui quena chigoqchiỹaugui da rocataxaguii chaqai ná'ogue na se no'uen.

Lucas 11:39 Iomraidhean Croise

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Salmos 22:13

da lonoxoỹaxac 'ec na toxonaxai sauaxaic leta'allipi, ỹauachigui na lap, ca' i'guentailec.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Mateo 7:15

Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Juan 13:2

Ca' so na'ỹaapec shi'co' ishichigui añi le'taxanata so Judas Iscariote, llaalec so Simón, da la'deenataxanaxac quiyim ỹaano so Jesús. So Jesús ỹa'deenta quiyim chicqo'ot ñi qota'olec, chaqai quiyim pila ñi'maxare, chaqai quiyim ñí'maq leta'a ỹaanem dá'ogue da lquesaxanaxa. Ca co'na' que'eeta'pe, ca' so Jesús ne'laxashiguim quiyi nqui'ỹaxala', ca naqat so napoxoqui, ca' nosaachigui so shiviaqataxat.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

2 Timoteo 3:5

Na'maxare qaidaata quiyim 'naac queetalec da na'qaatec, qam se icoñiguit cá'maq ỹaatqajam lquesaxanaxa da'maxare. Ca' 'ena ná'maq rovichisa'a ma'le.

Tito 1:15

Qam quená'maq co'teeta yi la'deenataxanaxac, ná'ogue nanchaqaina co'teeta. Qam quená'maq sqai huelec chaqai napio'o yi la'deenataxanaxac, ca 'ec qaica cá'maq co'teeta, ma' na'maxare vire'ta yi la'deenataxanaxac napio'o.

Santiago 4:8

Nqo'ñiỹot ñi qota'a, ca ñi'maxare nqo'ñiguita qamiri. Chaqai qamiri sauaqhuaiquipi nquiỹoiuec ná'maq mashic coñigui se no'uen. Chaqai qamiri ma' viitaque rqo'chiỹa ñi qota'a chaqai qai'neeta na huelec na 'laua, ca' co'taxachii' naua re'taxanatahi.