Lucas 11:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ma' no'm dá'ogue da no'ueenataxaqui' re'qojlec, ca' sqaica ca napaltalec, ca ná'ogue re'qojlec nqai'ñi', 'nejem quena' qaicoỹarelec aqami' caso ncoỹeraxanaxaqui lauaq.

Lucas 11:36 Iomraidhean Croise

Proverbios 1:5

Cá'maq 'ue ca la'deenec chaqai co'ỹaxaraic, ca' na'xaỹaxanalo naua na'qaatqa, ca' queda, ca nqo'neuec ca la'deenaxanaxa chaqai da letanaxanaxac,

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 5:15

Chaqai mesqai qaicopata'a aca ncoỹeraxanaxaqui, ca' qoỹanaugui aca nade lahi'. Ta'ta'a quiyim qoỹanashiguim, ca' qaiyi coỹarelec cá'maq hueeta'ñi ca na'a'.

Lucas 11:35

Rovichirari'o' 'neeto' aca rcoỹeraxanaxagui'i' 'ec ca napalaxa.

Lucas 11:37

Ca co'na' ỹomat da letaxaỹaxac so Jesús, ca 'uo' so fariseo ỹauec so'maxare quiyim lqui'ỹaxaua queca la'a'. Ca' so Jesús inoxono, ca nqa'xanñi, reloqojlec ca nqui'ỹaxala'.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Hebreos 5:14

Ma' ná'maq ỹaatqajam na'ic ta'chiguit ná'maq qom mashic ỹi, ná'maq mashic ra'deenataxan, ná'maq mashic ỹa'den quiyim retan ca lo'yaxanec chaqai ca se no'uen.

Santiago 1:25

Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.