Lucas 11:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Naua qanqote' chaqainaua naua 'neete'm aca ncoỹeraxanaxaqui coỹarelgoto qomi'. Qam no'm naua nqochichi' lo'yaxanqa, ca' qamirá'ogue viisaugui ca 'ec lauaq. Qam naua nqochichi', no'm se no'viiñi, ca ná'ogue na no'ueenataxaqui' hueetaugui na napalaxa.

Lucas 11:34 Iomraidhean Croise

Génesis 19:11

Chaqai sá'ogue so qomyipi qai'laq nqai'ne'; ca sá'ogue só'maq pa'aatauec, so ne'naqaipi chaqai vire'ta só'maq qo'xoiquipi, sá'ogue se neuanñi. Ca' chi nco'teetec se ỹanata ca lasom.

Isaías 5:20

¡'Xoraiqolqa qamiri, ma' 'ñiỹac lo'yaxanec ná'maq se no'uen, chaqai ná'maq se no'uen, ca 'ñiỹac lo'yaxanec; ñigui nqai'ñii lauaq ná'maq napalaxa, chaqai ná'maq napalaxa, lauaq nqai'ñii; ná'maq chim, lo'daxaraic nqai'ñii, chaqai ná'maq lo'daxaraic, chim nqai'ñii!

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Marcos 4:12

qaiyi no'm 'ue ca iuanchigui, qam 'ec se reuanaxan, chaqai no'm 'qaatac, qam se ỹa'den cá'maq reloqo'tegue, qaiyi se nañaano, ca' se qaỹapalaxate' naua lasauaxasete'.

Marcos 7:22

chaqai na nocataxac, ipiteta'a ca ỹoqa'a, chaqai na se no'uen, na'maachic, qaỹaataq ca nisha'a, da npa'guenaxanaxa, ỹa'xat cá'maq sqai llic, maqajnaxac, chaqai se raỹajnataxan.

Marcos 8:18

¿Saqa' huanaxañiỹalo na nqochiri, chaqai sqai 'xahi quenaua rque'lahi lauaco? ¿Se no'viñigue?

Lucas 11:35

Rovichirari'o' 'neeto' aca rcoỹeraxanaxagui'i' 'ec ca napalaxa.

Hechos 13:11

Ca' nagui rouaxañi' ñi qara'gaxala'; ca 'vio' caua na'xata' qami' qai'laq, sqai huañita ca lauaq añi ra'aasa. Ca chaqa'ma' se neuanñi, hueetaugui so napalaxa, ca ipootete'era quiyim ỹahotaque 'ue ca icoñiguit ada laua.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Efesios 6:5

Chaqai qamiri nelaatqa na'xaỹaxañiỹa ca na'coori quenajo 'laua, se napaguiỹalec, richilli'a, raqamaxaita, shiquiaxam 'ueenataxañitacot so Cristo.

Colosenses 3:22

Chaqai qamiri ma' qamiri nelaatqaipi, ỹaatqajam na'xaỹaxañii'ta quecanchaqai 'naac ca na'coori quenajo 'laua. Mesqaidaata quiyim ỹa'ajanta'pe qamiri, ca' raqamaxaita, ma' viitaque nqo'talo qamiri. Ta'ta'a quiyim raqamaxaita, richilliỹañi quiñi qota'a.