Lucas 11:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' ỹaatqajam noquiiquetauec na qomyipi lapou'a so Jesús. Ca' so'maxare retaqa, 'naaco': —Na qomyipi nagui ỹaatqajam hualoxonaq, chaqai roỹaxantaque quiyim 'ue ca qaỹachaxanem netanec se qaỹauanapega, qam se qoỹaanem. Chaqaisoota so netanec queso la'qaataxanqajnec ñi qota'a, leenaxat Jonás.

Lucas 11:29 Iomraidhean Croise

Jonás 1:1

Ñi qara'gaxala' qota'olec ỹalamaxachichigui so llaalec so Amitai, leenaxat Jonás, 'naaco':

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Lucas 11:16

'Uo' na liỹa chi i'guen, ỹashiilatac quiyim 'ue ca ỹachaxan ca netanec se qaiuanapega chicqo'ot nqai'en na piguim.

Lucas 11:50

Ca' najo qomyipi hueetaugui nagui, ñi qota'olec ro'laxana'pegue' ma'le ná'ogue na leuoripi só'maq la'qaataxanqajanqaipi shi'gue qaỹalauat, chicqochi'ñi nqai'en na' ñaqai chita'gue qaỹo'uet na 'laua.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 9:41

Ca' so Jesús 'naaco': —¡Ca quena qomyipi sqaica nqai huelec chaqai hualoxonyipi! ¿Tegue' canchaqa lagui viitaque quiyim qamiri iỹaata'pe quiyim ñaqai eec da iualaxavic? Naviquitegue najo ca qachaalqui'.

Juan 2:18

Ca' so judioipi inato' so'maxare, ca 'naaco': —¿Negue' ca netanec chaxañitalo qomi', qaiyi seuaqlec qami' quiyim ỹaatqajam llic 'ue ca 'ñitegue quiyim 'viichi' dajo?

Juan 6:30

Ca qainato' so'maxare: —¿Negue' ca netanec chaxañitalo qomi' quiyim seuanqachigui, qaiyi seuaqlec qami'? ¿Negue' cá'maq 'viichi'?

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

1 Corintios 1:22

Na judioipi ipaquetaque iuanchigui ca netanec se qaiuanapega, chaqai na mesqai judío ipaquetaque ca 'xoic na'deenaxanaxa.