Lucas 11:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Quena' ca ne'ec lecmaxaic quena' eec queca qom, queeta'guelo naua nomaate' rashivijlgoto, idaantaque ca nco'matqa'. Qam quena' sqaica ca ỹanata, ca ra'deenataxantac: “'Maxaraic sopila ca ỹa'a' cá'maq sachicqotougui na' ñinoxonec.”

Lucas 11:24 Iomraidhean Croise

Job 1:7

Ca' ñi qara'gaxala' inato' na'le so'maxare, 'naaco': —¿Negue' ca chicqoisa'gue? Ca' so na'ỹaapec 'naaco': —Chi souoxonta'pe naua lahil na 'laua.

Job 2:2

Ca' qainato' quiñi qara'gaxala', qohinaco': —¿Negue' ca chicqoira'gue? Ca' só'maq viraqataxanaxai 'naaco': —Chi souoxonta'pe naua lahil na 'laua.

Salmos 63:1

¡Qami' qota'olec, qami' qota'olec caỹim! 'Ue da ipagaxallic quiyim sedaantaque qami'; ma' vi'saxauot cá'maq souentaque; ỹimá'ogue souentaque qami', shintari' ca 'laua rashivijlec, qaica ca huaxaỹaq chaqai qaica ca nca'laxa.

Isaías 35:7

Yi 'laua qaica qom, ñigui latogot ma'le, yi 'laua rashivijlec, ne'paxantashiguim ma'le ca huaxaỹaq. Yí'maq nagui hua'ñi ana nouaxaỹaxa, ñaxat ma'le ana qañic chaqai ana na'uaate.

Marcos 5:10

Ca ne'xoresentacot so Jesús quiyim se qoỹoqo'tegue ca qailategue quiyijo 'laua.

Marcos 9:25

Ca co'na' so Jesús ỹa'den quiyim mashic 'xoic so qomyipi lapoỹaho, ca' retaxaỹa so ne'ec lecmaxaic, 'naaco': —Qami' ne'ec lecmaxaic se retaqa chaqai sqa 'qaa nqai'ñi' ca qom, shinapega qami' noxoñirec quena ne'nec, qam tot liỹa noxoñirougui na'maxare.

Lucas 11:25

Qam quena' novita so rapila, iuanejlec sojo ỹale 'ec ca 'imec ỹaatqajam qai'lequeta chaqai qaỹa'maxachichiguiñi.

Efesios 2:2

na' ñaqai viitaugui, ca' quiitalec dá'maq no'ueenataxac na qomyipi hueetalec na 'laua, 'viichitac ná'maq ỹahotaque só'maq relaataxantac na'ỹaapec se re'xogui só'maq ỹa'ñaxat ná'maq se na'xaỹaxana ñi qota'a.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.