Lucas 11:22 - La'qaatqa ñi qota'olec Qota'olec & Qota'olec Novita Na Qomyipi

²² Qam no'm novi' ca liỹa ỹale paguec ca la'ñaxac queso'maxare, ca loxonec. Ime, ca' rouootaxana'gue ná'ogue na lo'goxonqateripi ná'maq pe'eetapega, ca' chaqa ỹoiquentac ná'maq louootaxanqateripi.

Lucas 11:22 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Éxodo 15:9

Ca' so npa'guenaxaua 'neetapiguio' lauel: “Aỹim socanac so'maxare, vire'to' ma' soviralec, ca' semeenec ma'le ca ỹouootaxanaxat, ca ma'le, ca chi ỹovireta'a quiyim ỹaatqajam ya'maqachiguiñi. Ñavicshiguim ma'le na llicat, ca' na iqai'laxat nalauajñi ma'le sá'ogue.”

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Lucas 11:21

Quena' 'ue ca qom quesaxanaxaic quiyim naloochiguiñi na lo'goxonaxat, ca reloxoỹa'a ca na'a', ca cá'ogue ca cochiitapega qaica ca i'guentau'a.

Lucas 11:23

Ma' cá'maq noỹootec caỹim, ca' chaqaica ca pa'guenaxaua; chaqai ca mese llapoonaxanaxaua, ca' chaqaica ca reuacqataxan.

Efesios 6:11

Quepaqataxañiỹalo naua'que nauá'maq ro'goxonqachiri ỹaanema qamiri ñi qota'a, qaiyi ralohita'pegue' na layinaxanaxaquipi so na'ỹaapec.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Colosenses 2:15

Ma' so Cristo co'na' ileu na' qaipateno queso npatenaxala', ca' loxonec ná'maq nashillipi chaqai ná'maq nquesaxanaxa se re'xogui. Ca' qaỹauanchigui quiyim qaica ca 'negue nqai'en na' ỹauec 'ec lcoñiitecseripi na' rauegaxan.

1 Juan 3:8

Qam cá'maq ñaqai queetalec na lasauaxaset, cá ca'maxare lalamaxaret so na'ỹaapec. Ma' só'maq na'ỹaapec sauaqhuaic shi'gue na' ñaqai chita'gue qaỹo'uet na 'laua. Ca' chaqaido' dá'maq 'neeta quiyim novi' so llaalec ñi qota'a, ma' ỹahotaque ỹosogui dá'maq ỹo'ueeto' na'le so na'ỹaapec.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.