Lucas 11:13 - La'qaatqa ñi qota'olec Qota'olec & Qota'olec Novita Na Qomyipi

¹³ No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 11:13 Iomraidhean Croise

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Proverbios 1:23

Na'xaỹaxañiỹalo naua ỹaqataxaco, ca' ño'xataxachiguilo qamiri ma'le queda na'deenaxanaxa; ca' sa'deenaxanaxaneguelo qamiri ma'le naua ỹa'deenataxanaxaco.

Isaías 49:15

Qam ñi'maxare 'naac: ¿Peeta'a aca nate'e ishito' coua'e loqo'm tot ishit nqo'ta cá'maq lalamaxaret llaalec? Ca 'eno'm aca'maxare coua'e, ỹim qaica ma' scoua'e quet aqami'.

Ezequiel 36:27

Chaqai sanauguilo qamiri da ño'ueenataxac, ca' so'uet quiyim pacqajñichiguilo naua ỹapaxaguinataxanaxaco chaqai naua ỹaqataxaco;

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Mateo 6:14

Ma' no'm qamiri 'xoriñii cá'maq riỹahi quecá'maq se no'uen ỹo'uet caqamiri, ca qai'neeta i'xorene' qamiri ñi qota'a ñí'maq viilec neeta'gue da piguim.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Mateo 6:32

Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Mateo 7:11

Ma' quiyim qamiri hualoxona', qam 'yiiñii 'ỹaañim cá'maq no'uen ca qachaalguii, ¡huose'quet ñi qota'a ñí'maq viilec neeta'gue da piguim, ñi'maxare ỹaanec cá'maq no'uen quecá'maq qarashiilaxanaque!

Lucas 11:12

¿Loqo'm ca llaalec quiyim roỹaxanaque ca lco'ue', ca' ỹaanem ca pa'lotoxoic?

Lucas 11:2

Ca' so Jesús 'naaco': —Ma' nqouagaxaiñii, ca 'ñiỹaco': Qami' qota'olec ñiiso'ot na piguim, qaỹapacqajnauec qaimaqachin da qadeenaxachi'. Ñaq nelachiriño' ma'le ca ro'ueenataxanaxaqui', qaiyi qaỹo'uet quena 'laua cá'maq vi'saque, 'nejem dá'maq qaỹo'ueetetac quena piguim.

Lucas 18:7

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Romanos 5:17

Ca no'm da nelauaxa 'uo' da lquesaxanaxa na'le chicqochigui so lasauaxaset so 'oonoqui' qom, ca paguec lecaic ma'le cá'maq ỹaanem ná'maq icoñi'chiguit ñi qota'olec. Ca 'ue ma'le ca lquesaxanaxa quedá'maq dalaxaic lca'laxa chicqochigui nqai'en so 'oonoqui' ỹale Jesucristo.

Romanos 7:18

Ma' ỹim sa'den quiyim caỹim qaica quet cá'maq hueetagui lo'yaxanec na ỹoshicmaxa. Ma' 'ue na ishoxo quiyim so'uet cá'maq ỹa'maqachiguiñi, qam quiyim so'uet, ca' se seshit so'uet.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.