Lucas 11:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Uo' so na'xa'a so Jesús 'uo' ca hueeta'ñi, nqouagaxaintac. Ca co'na' ỹomat da nqouagaxainaxac, ca 'uo' so lapaxaguinatec 'naapego': —Qarapaxaguiñi' queca shinqa'tegue ca qanqouagaxainaxac, 'nejem da 'ne'tegue so Juan co'na' ỹapaxaguin so lapaxaguinatqaipi.

Lucas 11:1 Iomraidhean Croise

Salmos 19:14

'Maxariñite' naua ỹa'qaatqa chaqai naua ỹa'deenataxanaxaco, qami' qarashi, i'guenaxala' chaqai ica'laxaqui.

Lucas 10:42

Qalaxam 'oonoqui' dá'maq ỹapacauec quiyim qaỹouen. Añi María ỹaatqajam paguec loyac dá'maq nca'atau'a, ca da'maxare qaica ca ishit rouootaxana'gue.

Lucas 11:2

Ca' so Jesús 'naaco': —Ma' nqouagaxaiñii, ca 'ñiỹaco': Qami' qota'olec ñiiso'ot na piguim, qaỹapacqajnauec qaimaqachin da qadeenaxachi'. Ñaq nelachiriño' ma'le ca ro'ueenataxanaxaqui', qaiyi qaỹo'uet quena 'laua cá'maq vi'saque, 'nejem dá'maq qaỹo'ueetetac quena piguim.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Lucas 9:18

'Uo' so na'xa'a co'na' so Jesús nqouagaxaintac, nodaatec, ca' saua lapaxaguinatqa liỹareta'pe co'na'le. Ca inate', 'naaco': —¿Negue' ca 'naaco' quen na qom quiyim negue' aỹim?

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.