Lucas 10:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ca só'maq napaxaguinataxanaq 'naaco': —Só'maq 'ue da le'xorenataxanaxa queso'maxare. Ca' so Jesús 'naaco': —Mo'e', qui', 'viichi' dajo qai'neeta.

Lucas 10:37 Iomraidhean Croise

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 23:23

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri 'ỹaañim ñi qota'olec ana 'oono'lli' laue ca diez cana nalequetenaxanqate leenaxat menta, chaqai ana anís, chaqai ana comino, qam se na'xaỹaxañiỹalo nauá'maq ỹapaquerauec nelaataxanaxaco quena naqataxaquipi: da 'maqataxac, chaqai da ne'xorenataxanaxa, chaqai da npi'ỹaxac. Ca' chaqaida dá'maq 'viichii quet, qam sqai 'xañiñi quiyim 'viichitac ná'maq liỹa.

Lucas 10:36

Ca' nagui, ca' senachi', ¿negue' cá quesaua tres piichira'a quiyim re'oq quiyim ỹaatqajam 'neeta'gue ca liỹa qom sojo ỹale qanouo' quesaua cuataxaqa?

Lucas 10:38

Ime, lotqai eec so Jesús, ca co'na' ỹovita yi na'a', ca 'uo' aso 'aalo leenaxat Marta, ỹauegueu'a yi la'a'.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

1 Pedro 2:21

Ma' chaqaida dá'maq 'em roỹaxanalo qamiri ñi qota'a, ma' so Cristo 'ue da le'xoric sauaxate' qamiri quiyim ỹachaxan da leloxoỹaxac, qaiyi quiijlec da llicyaxac so'maxare.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',