Lucas 10:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca so napaxaguinataxanaq quena nelaataxanaxaquipi 'naaco': —“Ỹaatqajam rauochitegue ñi ra'gaxalachi' qota'olec, ỹaatqajam machiro'ot añi re'taxanata'e' chaqai da nachaalataxaqui', chaqai da rquesaxanaxa'e', chaqai dá'ogue da ra'deenataxanaxaqui'; chaqai rauochitegue ca liỹa qom, 'nejem qami' nauochiralta'.”

Lucas 10:27 Iomraidhean Croise

Levítico 19:18

'Neeto' vi'saque ca rovichi', chaqai sqo quirapeguem cá'maq chi qauochi'. Rauochitegue ca riỹa'e', ma' chaqai 'nejem qami'. Ỹim ná'maq ỹim na'gaxala'. (19.19-30 Naqataxac quiyim nco'taxateta ca qom, chaqai quena' qanqouagaxainot ñi qota'olec, na'maqataxac ca qom, da nouaxanaxaset cá'maq se na'xaỹaxan, chaqai nauá'maq no'viiñi ỹachaxanta'pe ñi qota'olec.)

Mateo 19:19

se napaquiseguelec ca qataa'i' chaqai aca qachii'i'; rauochitegue ca liỹa qom, 'nejem qami' nauochiralta'.

Lucas 10:26

Ca' so Jesús 'naaco': —¿Negue' ná'maq naneretañi quena naqataxaquipi chicqo'ot so Moisés? ¿Negue' ca 'ñiisa'co' quena' taqairelec?

Romanos 13:9

Ma' na naqataxaquipi 'naacsa': “Se nocachisa'guit aca se roua'e', sqa lauataxañi', sqo cuachi', se na'majñi'relec ca liỹa, se ripichira'a ca ỹoqa'a”; qam nauajo chaqai ná'ogue na liỹa naqataxaquipi imaaguilo dauajo na'qaatqa 'neracsa': “Rauochitegue ca riỹa'e', 'nejem nqai'ñi' qami' nauochiralta'.”

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Deuteronomio 6:4

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

Deuteronomio 6:5

Ỹaatqajam rqo'chita ñi qara'gaxala' qota'olec, machiro'ot añi re'taxanata'e', chaqai dá'ogue da nachaalataxaqui' chaqai dá'ogue da rquesaxanaxa'e'.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

Santiago 2:8

No'm ipaquichigui nqai'ñii dá'maq ỹaatqajam naqataxac ma' chaqaida dá'maq 'naac yi naneretañi na'qaatec: “Rauochitegue ca riỹa'e', 'ñiisa'gue quiyim qami' nauochiralta'”, ca' 'viichisac dá'maq ỹaatqajam ỹa'maqachiguiñi.

1 Juan 3:18

Qamiri ỹaalqolqa, quedajo qare'xorenataxanaxa 'neeto' chi nodaachiriñi naua qara'qaatqa. Ta'ta'a quiyim ỹaatqajam 'chichiguiñi ne'xorenataxanaxa quiyim re'qoota nqaishinaq cá'maq so'ueetaq.